BHELLE:
HINDI ako umuwi ng opisina at sa condo ni Zayn nagpalipas ng gabi. Kinabukasan ay maaga kaming gumayak ni Zayn at inihatid pa ako nito sa terminal ng bus pauwi sa probinsya namin. Kung wala lang itong mahalagang schedule sa bagong endorsement sa kanya bilang modelo ay sasamahan ako nito pauwi.
Hindi na rin ako nagpaalam pa kay Tyrone. Malinaw pa sa sikat ng araw na niloloko niya lang ako. Hindi niya kayang iwasan ang babaeng 'yon para sa akin. At hindi ko kayang manatili sa tabi niya na may iba akong kaagaw sa kanya. Hindi ko masikmurang may iba pang babaeng kinakama nito habang nagsasama kaming dalawa. Hindi ko kaya.
Tahimik ako sa dulo ng bus kung saan ako nakaupo. Sa bintana nakatanaw at hindi maiwasang umagos ang luha habang palayo ako nang palayo sa syudad. Para akong sina
