BHELLE:
NANATILI ako sa opisina ni Tyrone. Kahit hindi ko ito masyadong iniimikan at pinapansin ay hindi ito nagbago. Nilalambing niya ako at inaasikaso. Kahit nga marami siyang trabaho at kliyente ay inaalala niya pa rin ako.
Napahinga ako ng malalim habang nakahalukipkip na nagpapahangin dito sa may balcony. Lumabas kasi si Tyrone dahil may press conference itong dinaluhan. Gusto pa nga niya akong isama pero tumanggi ako.
Pasado alas-otso na rin ng gabi. Panay ang sulyap ko sa relo ko dahil ang paalam naman ni Tyrone ay alasyete ay nandidito na ito. Pero isang oras na siyang late. Kinakabahan na rin ako pero pilit kong kinakalma ang sarili. Kung pwede nga lang ay kalimutan ko na lang ang mga nangyari sa kanila ni Cassandra at bumalik kami sa dati.
Nahihirapan din naman kasi akong ti
