بارت 4

1155 Words

**ر القيود « عيون الملاك » ★★★★ قراءه ممتعه ★★★★ عريان يگول … تره العاگول من ضيمه صبح عاگول لو مرتااح چا ورد ? … ★★★★★★★★★★ فتحت الباب وانصدمت بضباط 2 واكفين بالباب الاول سال: انته ليث جبار …… ليث: اي تفضل شرايد الضابط الاول: القو القبض عليه انته متهم بسرقه مبلغ مالي من السيد. عامر ال… ليث: بس سمعت الاسم عرفته هذا اخو سعديه ليث: هذا جذب وماكو هيج حجي الضابط: احنه ماعلينه شغلتنه نلقضي القبض عليك لحد ماتثبت برائتك ، يله يولد اخذوا ليث: اخذوني للسجن وشمروني بي ، گاعد بنص ناس قتله وسراق اتامل المكان واصرخ بداخلي هذا مو مكاني ولا موقعي اني اختلف مرت ساعات. واجه ضابط وكال باستهزاء ضابط: ماشاء الله عيني ليث افندي ماصارلك ساعات واشتغلت الزيارات. مو على اساس انته بفندق مو بسجن هيه ياهي. ويفر ايده ويستهزاء. طلعني واخذني لغرفه ظلمه وبيها گلوب واحد. وميز وكرسيين. بحيث اليگعدون عليهن يصيرون شخص مقابل الاخر كعدت دقايق وطب الشيخ حاكم من شفته نصدمت وبنفس الوگت حسيت انو اني مو وحيد اكو ظهر واكف وراي يحميني هذا الانسان شكد مااجازي ماراح اوفي وافضاله جاي تزيد عليه يوم بعد يوم شيخ حاكم : ابني ليث شصاير ليش هيج ليث: شيخنه. اخو سعديه مقدم بلاغ اني بايگه وانته صارلي سنين اشتغل عندك فديوم مديت ايدي على حلالك شيخ حاكم: حشاك يابه ولا دير بال اني اطلعك وراح اتصل بقيس هو هم يجي ويساعدك واوكلك محامي وان شاء الله ماتنظلم ولازم الحق يظهر وينزاح الظلم وتظهر شمس الحقيقه ليث:طلع الشيخ حاكم ورجعت لزنزانتي وكلي ثقه برب العالمين مايظلم احد ************* احد القواعد العسكريه _ العراق قيس نايم على سرير واشوف الجنود الوياي مخبوصين. هذا اليحظر جنطته وغرااضه وهذا اليحسب الايام وهذا اليسولف على ولده جنه بدوره تدريبيه وبعد اقل من الاسبوع ونخلص اشوف الجنود شلون متشوقين لعوائلهم هذا اليسولف عن جهاله وهذا المنتظر الرجعه حته يتزوج وهذا الخاطب ويريد يروح الخطيبته واللي مشتاق لامه وابوه. كل واحد منهم متشوق الشي الا اني احس روحي وحيد بهاي الدنيا من عمري 5 سنين ابويه مات واهتم بيه عمي حاكم ومن صار عمري 7 سنين امي شمرتني على حبوبتي وراحت تزوجت بحجه بعدهي شابه ومن صار عمري 12 سنه توفت حبوبتي وعائلتي تلخصت بعمي حاكم بس جان ومازال كل عائلتي يمكن بدونه جان من زمان متت واني جاي اتذكر طفولتي بديت اضحك واني اتذكر. ليث. واول لقاء النه. جنت وگتها حيل معصب وهستوني متعارك ويه ولد لان گلي امك شمرتك فرحت اتمشه على الشط وشفت واحد جاي يسبح بالشط. فصحت عليه قيس: يا اثوول هذا يسبح بالشط بهذا الروج العالي طلع من المي واجاني معصب. وعاط ليث: احترم نفسك لك ماكو اثول غيرك وض*بني واني هم ماقصرت وياه وكمنه واحد يناوش اللاخ بو**يات. لحد ما ثنينه تعبنه قيس: مو عبالك تعب لو نهزمت بس عفتك لان اخاف تموت بيدي وابتتلي بيك ليث: دروح شكد تطير فياله رحمه لحصان الحمزه ماتخف علينه هو منو راد يموت منو قيس : براها كلمن راح لبيته بره يوم ماادري بس رجليه اخذني للشط من جديد وشفت الولد نفسه مال البارحه جاي يتعارك ويه 3 ولد محاوطينه ويتعاركون وياه هنا اني بعد مااكدر اسكت اكثر شي اكرها هو الغدر وهذوله 3 على واحد وجاي يغدرون بي گمزت عليهم وبديت اتعارك وياهم واساعد الولد ساعه اني اض*ب ساعه هم يض*بون لحد ماملوا وشردوا بره ماراحوا اني والولد وكعنه بالكاع وتمددنه من التعب ليث: تره ماجنت محتاج مساعدتك اكدرلهم وحدي قيس: هههههه دسكت احسلك بدوني جان هسه مارد*ك مرد ومانعرف وجهك من گفاك ليث: تدري صدك مثل ماگالوا الكثره تغلب الشجاعه عاين واحد على الثاني وگمنه نضحك وواحد يعيب على الثاني لان اني عيني مزورگه والبنطلون مشگوك وهو خده مورم والتشيرت مكطعه الدكم ومشكوك بدون التراب شلون لاعب بحالنه وراها اخذني البيته. ومن شافته امه ض*بت على ص*رها وگالت زمرد: يمممه. هاي شصاير ولك ليث تريد تموتني ناقصه عمر. وگعدت تبجي وتعتب بطلاع الروح سكتناها وگمنه نتشاقه وياها. وهي سكتت وصبتلنه اكل ومن هذاك اليوم قوت علاقتي بليث وصرنه مثل الاخوه واكثر على الرغم اني اكبر منه وراها سولفتله عن عائلتي وهو سولفلي عن ابو ومصايبه واخذته مره للاسطبل وحب الاحصنه و ابويه الشيخ (شيخ حاكم بس اني اصيحله ابويه الشيخ) التقه بي وحباه. وبراها بده يشغله يمه. بعدين من نجحت من السادس قدمت كليه عسكريه والعام تخرجت وهسه اني بدوره تدريبيه صحيت على ذكرياتي بصوت التلفون يدگ قيس: الووو شيخ حاكم : وعليكم السلام ورحمه الله وبركاته قيس: حيل فشلت لان اعرف سوالف ابويه الشيخ عود يگلي سلم مثل البشر راسن تحمحمت وگلت. قيس: السلام عليكم شيخنه شلونك الشيخ حاكم : الحمد لله بس لازم ترجع محتاجك بشغله قيس: خير شيخنه گول الشيخ حاكم : عضيدك ليث واگع بورطه واريدك تساعده قيس: ليش شبي الشيخ حاكم : هسه تعال واگلك ،، سد الخط وعافني حاير بافكاري ليث شبي اني بعدلي يوم للتدريبات براها يومين انطونه استراحه نفتر بالمحافظه االاحنه بيها ونغير جو فرحت للقائد وشرحتله وضعي قيس: سيدي الاهل عدهم مشكله ولازم اروح مااكدر ابقه 3 ايام القائد: الله يحلها ،، خل يخلص اخر يوم بالتدريبات براها روح لاهلك قيس: شكرا سيدي زبقيت منتظر تخلص التدريبات ،، وبس خلصت لميت غراضي وكلت للقائد وركبت سياره من المعسكر اني و3 ولد هم ماخذين اذن من القائد وصلتنه السياره لكراج. ومناك كل واحد من الولد ركب لمحافظته اما اني فركبت لبغداد ومن وصلت ركبت سياره لاخ لمحافظتنه وصلت م**ر للبيت قيس: اخخخخ يابويه ت**رت هسه لو اكدر اخذ سيارتي وياي بس مااكدر لان بدوره تدريبيه ،، ياريت لو عندي بساط علاء الدين على الاقل اريح من هاي السيارات قيس: وصلت وسلمت على ابويه الشيخ وگلي سالفه ليث هي سهله لان ماعدهم دليل عليه بس هم بواسطاتهم ونفوذهم معقديها ثاني يوم رحت وحجيت ويا ضباط وگالوا كفاله ويطلع لان ماعدهم ادله بس لازم يبقه اسبوع بعد لان مايكدرون يطلعوا هسه طلبت لقائه على الاقل وقبلوا اقا**ه وهسه اني كاعد بغرفه اللقاء حته اقا**ه وجابوا ليث: هاي منو هنا شجابك لازم الشمس طلعت من الغرب قيس: ولاتبطل سوالفك انته شلونك ليث: شلوني اخبل بس مجرد گاعد بنص قتله وسراق ومجرمين قيس: سويت كل الاجراءات بس لازم تبقه اسبوع لان مرت ابوك واخوانها مامقصرين مسوين واسطات بكد رحمه الله ليث: كلشي اتوقع منها ،، بس المهم ضمنت طلعتي قيس: اي لا تخاف ماعدهم دليل عليك ************ بمكان اخر سعديه: شنو يعني يطلع من السجن اخوها عامر: اگلج توسطتله رتب حيل عالي واشخاص معروفين والهم مكانتهم سعديه: مالازم يطلع ،،لازم يبقه بالسجن. والا ياخذ الورث منه اخوها عامر : چا شنسوي سعديه بابتسامه ماكره وحقوده : اني اعرف شنسوي. خليها عليه. هههههه ***************** ليث دخلت السجن وجان المكان موحش بنص مجرمين وقتله. اشكالهم ماالها علاقه بالرحمه ابدا ومن بينهم جان اكو واحد ابدااا ماارتاحيتله ودائما يحاول يسوي مشاكل وياي بس اني اطنش لحد ما فديوم صارت عركه جبيره بينه وبين سجين لاخ وفجاه …… يتبع …… ★★★★★★★★★

Free reading for new users

Scan code to download app

App Store Google Play

Facebookexpand_more