بارت 5

1215 Words

**ر قيود «عيون الملاك » ★★★★★قراءه ممتعه ★★★★★ اكو واحد عنده دمع العين عاده واكو واحد غالب عيونه بعناده وندري عادات الحزن سكته لبنادم يجب ينام بفؤاده واني دون الناس حزني من الولاده ★★★★★★★★★★★★★★ ماحسيت الا فجاة سجينه بخاصرتي والدم غرگني اجوي الحراس ووخروا عني وشالوني واني گمت مااحس بشي بس ضباب و احس انشلت من الگاع براها صارت ظلمه وبس صوت بعيد يگول ودوا للمستشفى لا يموت وبعدين انگطع الصوت وصار كلشي اظلم وبعد ماحسيت بروحي ********** قيس اتفقت ويه محامي شاطر علعمود قضيه ليث وگلي بيومين يطلع مايحتاج يبقه اسبوع فرحت وجاي احجي ويا قيس: عاشت ايدك ،، اذا طلع قبل اسبوع بعد احسن جاي احجي ويا ودگ الموبايل ضابط بالسجن اني موصي على ليث قيس: الو الضابط: ملازم قيس تعال للمستشفى بسرعه السجين اللي وصيت عليه انض*ب سجينه وحالته خطره ...... انگطع الخط وبقيت صافن ليث حالته خطره يعني راح يموت صديق عمري راح وبنص هاي الافكار والاحساس بالضياع صحاني صوت المحامي المحامي: ملازم قيس شكو قيس: ليث اتصوب وركضت للسياره وياي المحامي ورحنه للمستشفى وانصدمت مدخلي للعمليات وحالته صعبه حسيت روحي بركان وراح يطگ كلشي الا ليث هذا صديق عمري واخوي وعضيدي لو اللي ض*به ايصير اگبالي الا اشرب من دمه بقينه ساعات لحد ماطلع الدكتور وگال الدكتور : الحمد لله تلاحگناله وعمليته ناجحه بس لازم يبقه 24 ساعه اذا ماانت**ت حالته يعني تعده مرحله الخطر قيس: الحمد الك يارب ،،،شكرا دكتور المحامي: استاذ قيس اني راح اشتغل على قضيته واضيف ملف اصابته حته ان شاء الله بس يصحه اكدر اطلعه براءه قيس: مشكور استاذ ،، تعبناك ويانه المحامي: عفوا هذا واجبي ،،، اترخص اني قيس: مرخوص ،، الله وياك راح المحامي وبقيت بالمستشفى حته اكل مااكلت احس روحي مااشتهي العسل. كلي توتر وقلق وكل ساعه ادعي اخر شي اتذكرت. خاله زمرد من جنت اروح لليث حته اخذه ونفتر جانت تنطي لليث فلوس. وتكله يمه اتصدق بهذني لان الصدقه تدفع البلاء فطلعت من المستشفى ورحت حته انطي فلوس لمره اعرفها عدها ايتام وحالتهم ضعيفه بسرعه رحتلها انطيتها الفلوس ورجعت للمستشفى مرت ال24 ساعه والحمد لله اتجاوز ليث مرحله الخطر. وكال الدكتور يرادله راحه اسبوع على الاقل بقينه يومين بالمستشفى وراها طلعته على مسؤوليتي لان مايتحمل ليث اجواء المستشفيات اجه المحامي وگللنه طلع ليث برائه هسه صاارلنه شهر من طلع ليث من المستشفى رجع يمشي بس اغلب الوقت صافن ويفكر اخر شي مليت منه گتله قيس: مااتگلي اشبيك گاعد وساگت وتاخذك صفنه وتجيبك صفنه جنك ابو القاط الرصاصي ليث: قيس مو وكت شقاك قيس: لعد تبقه هيج گلي شجاي تفكر ليث: جاي افكر بالمستقبل واتخذت قراري قيس: شنو قرارك يابو القرارات ليث: بعد ماصحيت من العمليه وعرفت انض*بت سجينه والمجرم الض*بني اصلا محكوم اعدام بقت الافكار تجي وتروح بعقلي واهم شي خطر على بالي انتقم وخاصه من سعديه ادري هي الدزته حته يصوبني لان من ض*بني همس باذني هاي هديه سعديه الك فاني متاكد هي السبب بس ماعندي دليل والقانون مستحيل ياخذ حقي منها فقررت. قراري الاخير ليث: اول شي راح اسوي ياقيس هو راح انتقم من سعديه واخوانها. على كلشي على اذيتها لامي على طفولتي اللي ماشفت منها شي على مراهقتي. الضايعه. راح انتقم وثاني شي حته اكدر انتقم لازم ابتعد منا قيس: وين تروح وشتشتغل ليث: مو مهم اني اعرف وين اروح صارلي شهر افكر ،،، واتخذت قراري ماكو رجعه بقه بس انطي خبر للشيخ حاكم ليث : رحت للشيخ حاكم واني متخذ قراري وگتله على كلشي ماعارضني وكلي انو لازم اشتغل شي هناك ولازم مااترك دراستي ابد كتله عندي مشروع ببالي وجاي اجمع فلوس اله جمعت نص المبلغ وبعد. نص وقترح الشيخ يدخل شريك وياي. قبلت. وقررت باجر اسافر لبغداد وابدي بمشروعي ركبت سياره لبغداد وذهني مشغول بكلام الشيخ حاكم من جنه بالمضيف و گال الشيخ حاكم : ليث تشوف هاي النار اللي مشعوله ليث: عاينت وصدك اكو مثل الحفره بالگاع. ومخلول بيها حطب وداير ماداير الحفره اكو حجار صاير مثل السياج على النار وشاعلين النار وخالين عليها الدلات مال الگهوه ليث: اي شيخ الشيخ حاكم : لعد افهم. غضبك وانتقامك مثل هاي النار. لوما الحفره والسياج جان عبرت النار وحركت المضيف فانته لازم مثل هذا السياج تسيطر على غضبك لان بس يسيطر غضبك عليك راح تحرك الاخضر واليابس تذكر هذا الشي رجال: يولد الكروه ليث: انتبهت للرجال وانطيته الكروه بس عقلي بقه مشغول بكلام شيخ حاكم وصلت لبغداد. راستن رحت لبيت عمتي سميه وزوجها عمي حارث عمتي سميه جانت اصغر وحده بخواتها ومدلله ابوها. جدي جان مايحب البنيه تكمل دراسه فكل عماتي وصلن لو سادس ابتدائي واشطرهن وصلت ثالث متوسط بس عمتي سميه جانت استثناء جانت حيل شاطره ومن راد جدي يبطلها. گامت تبجي وحبست روحها بغرفتها وحته اكل ما تاكل بقت اسبوع وتخربطت وطول هذا الاسبوع جدي جان يلوب عليها هاي المدلله مالته ومن تخربطت واخذها للمستشفى گلوله فقر دم حاد انقهر عليها وقبل تكمل اعداديه فبقت تدرس لحد ما فديوم جانت سادس اعدادي ورجعت من الدوام جدي بيومها جان عنده فصل وواحد من اصحاب الفصل يصير صديق عمي حارث وطالب منه يجي وعمي حارث جاي فالكل بالمضيف عمي حارث استاذن منهم حته يشرب جكاره وهو طالع لمحها من بعيد تطب للبيت هو شافها وگع بحبها وعلى گولتهم حب من اول جگاره عمي حارث من بغداد بس من شافت عمتي سميه بقه كل يوميه جاي. ويراقبها حته يلحگها للمدرسه وعمتي حست بي فجانت خايفه بالبدايه بس بعدين هي هم حبته فراح عمي حارث حته يخطبها من جدي بس جدي رفض لان مايزوج بناته للغرب يخاف عليهن بس عمي ماگعد گام يجيب كومه شيوخ وساده ومراكز بالدوله. اخر شي كام يسال منو يكدر ياثر بقرار جدي بوكتها قبل سنه جان جدي واگع بمشكله واكو شيخ جبير ساعد جدي فجدي جان حيل ممنون منه. فعمي راح لهذاك الشيخ وحجاله السالفه فاجه هذاك الشيخ وخطب عمتي من جدي جدي ماكدر يرفض لان هذا الشيخ مفضل عليه فقبل وتزوجوا عمي حارث وعمتي سميه جدي جان سبب رفضه هو خوفه على بناته جان يخاف الغريب مايداريهن بس من تزوجت عمتي سميه وشاف شلون مدلله ودائما تجي ارتاح براها بسنه توفت بيبيتي. وجدي حالته انت**ت وراها. نسوان عمامي مايدارنه وعماتي بالشهر يجن مره عمتي سميه ماتحملت اخذت جدي يمها وهي كامت تداري جدي بالبدايه رفض بس من شاف عمي حارث شلون يداري ودائما يگله انته بمثابه ابويه ارتاحله وبره سنه اتوفه جدي وعمتي سميه كامت ماتروح لمحافظتنه الا نادرا تجي تزور امي وتروح. وصلت للباب ودگيته عمه سميه: منو منو ليث: اني عمه عمه سميه: ليوثييي هلا بحبيب عمته شلونك ليث: الحمد لله انتي شلونج عمي حارث شلونه عمه سميه : بخير مادامك بخير ،، طب طب قابل نبقه بالباب ليث: ههه حته وكفه الباب حلوه اذا وياج عمي حارث: ولك شلون تتغزل بمرتي ليث: عمي خل اسكت لايهجم روميو عليه اجه عم حارث وشبگني وبقه يسالني شلوني كتله اريد ابقه شهر اهنا براها ادورلي مكان ماقبل وگال هذا البيت بيتك مثل ماهو بيت ولدي عمتي سميه عدها 3 ولد بس وماعدها بنات لهذا اجيتها نقلت مدرستي لبغداد بمدرسه قريبه بقيت شهر ببيت عمتي سميه وفديوم جنت راجع من الدوام والدنيا تسمط من الحر بحيث الشارع يصوصي ليث: عمي حقها العالم تنخمد ببيوتها اذا الشمس تسمط ابو ابونه بس المطي يطلع بهذا الحر جاي امشي واشوف طفله كاعده يمه سياج مال بيت. وضامه رجليها وراسها ضامته بحظنها گتلها ليث: ولج هاي شمطلعج بنص الحر ماتشوفين حته المخابيل. راگدين ببيوتهم شو هاي احجي وياها وحته راسها ماحركته كتلها ليث: ولج مو احجي وياج. رفعي راسج هي رفعت راسها ...... يتبع... ★★★★★★★★

Free reading for new users

Scan code to download app

App Store Google Play

Facebookexpand_more