بارت 6

1140 Words

**ر القيود « عيون الملاك » ★★★★قراءه ممتعه★★★★ تره البردان عذره وياه ،، ماضايك دفو عيونج ★★★★★★★★★★ كركوك قبل سنه كعدت على صوت امي وهيه تصيح ولج منسه كعدي يله راح نروح لبغداد منسه: يمه نعسانه دعوفيني انام الام : تگومين لو اجيب المي واشمره عليج . منسه : كمت كمت ،، محد ينام مرتاح بهذا البيت الام : شلون ل**ن دكول عمرها مية سنه مو عشر سنين منسه: من سمعت كلام امي. كمت راسن لان ادري بيها تسويها نزلت وغسلت وماما بدلتلي متحمسه راح نروح لبغداد لبيت خالي عنده بنات صح ما يلعبن وياي هواي بس احسن من هنا وحدي بدلت واني فرحانه. وركبنه السياره وابويه يسوق وامي كل ساعه لو مطلعه كيك لو جاي لو كليجه واني اخذ واكل ولا اگول لا ابد ماما: ولج منسه على كيفج اليشوفج يگول صارلها سنه ماماكله ولا عبالك ليل ونهار راسج بالثلاجه منسه: عند البطون تعمى العيون خليني اكل الحمد لله فلوس الاكل من ابويه قابل من جيبج ماما : ولج طايحه الحظ شنو هذا الحجي بابا: هههه ولج شوكت اتكبرين وتبطلين ال**ن ماما: انته ابقه اضحكلها ودللها. محد خربها وطول ل**نها غيرك بابا: يا عمري انتي بعدها صغيره. مو هيج منسه. ،، بابا يحجي ويغمزلي منسه: ياماماتي ياحبيبتي بعد مااحجي التوبه بس ولا تزعل. سندوسه علينه ماما: ياا ياا شكد ماتستحين قابل اني اصغر جهالج وتصيحيلي سندوسه منسه: يله ماماتي مشيها. هسه هو اسمج سندس شدلعج غير سندوسه بره مابقيت اشاقه ويه ماما واضحك وياها اني عقلي اكبر من عمري وحته حجي مال اكبار لان كل العاشرتهم اكبر مني ماعندي شخص بكدي. واللي وياي بالمدرسه احسهن طفوليات وسوالفهن سوالف مزعطه بره مااكلت كيك غفيت واني نايمه مااحس اله. عيطه امي وسياره لوفت بسرعه. برها ما حسيت بشي غير ايدي توجعني. وراسي جاي يمشي عليه شي لزج واكو ريحه مال حرك وماما وبابا ساكتين. الدنيا بدت تغوش عندي وصار اكو ضباب على عيوني فجاه سمعت صوت ناس تصيح ……… : اكو حادث هنا اتصلوا بالاسعاف والاطفاء وواحد لاخ يصيح …………: منا لحد مايوصلون حته البي نفس يموت خل انطلعهم لا انوبه ينفجر البانزين منسه : صح مااشوف شي من وره الضباب بس من سمعت هيج. كمت احاول اشيل ايدي وادك على الجامه بس ايدي ماجاي اكدر احركها. بطلاع الروح كدرت اشيلها شويه ومن شلتها سمعت واحد يصيح ………… : يولد تعالوا نطلع الطفله بيها نفس جاي تتحرك. منسه : براها حسيت الظلمه لف*ني وكمت مااسمع اي شي ولا اشوف وفجاه اختفه كلشي عبالك نمت بعدين ماادري بروحي گمت افتح بعيني بس مااكدر احسهن عبالك لازكات بطلاع الروح انفتحن. بالبدايه جان اكو ضباب بس شويه اشويه كمت اشوف زين شفت روحي بغرفه بالمستشفى. واكو ممرضه يمه راسي جاي تض*بني ابره حاولت احجي بس صوتي مطبك وماينسمع ومن احجي. حنجرتي كلها توجعني. الممرضه من شافتي كعدت صاحت الدكتور اجه الدكتور فحصني وحجه وياي واستفسر عل اهلي اني ما اعرف شاجاوب كلتله كل الاعرفه ابويه جان وحيد اهله لان اهله جانوا مايخلفون. ومن اجه ابويه للدنيا جانوا كبار بالعمر. و بعمر مراهقته توفوا اما امي جانت يتيمه وماعدها بس اخو واحد اللي هو عايش بغداد وجنه رايحيله الدكتور : بابا شنو اسم ابوج وشنو اسم امج منسه : بابا اسمه سيف ……… وامي اسمها سندس …… الدكتور : تمام بنتي هسه ارتاحي. واحنه راح اندور على الباقين من اهلج منسه : صدك يومين وشفت خالي. من عرف امي وابويه توفوا انقهر وهو تكفل بدفنهم واخذني وياه لبيته اول ايام من جنت م**ره مرت خالي جانت ساكته وماتحجي شي بس من صرت زينه بدت مرت خالي: عيني منسه خانو تعالي اشتغلي وساعدينه لو عبالج تبقين هنا اكل ونوم. واحنه نشتغل لحضره جنابج منسه: بديت اشتغل وياها واني اصغر من بناتها و بناتها ابد ماتكومهن الا نادرا وبقت تسمعني حجي. بعدين گلت لازم ارجع للمدرسه هذا جان حلم امي اتخرج وتصير شهادتي بيدي. اني هسه صف ثالث ونجحت للرابع واحنه هسه بالعطله وراح يبدي الدوام منسه: خالو ،، شوكت تنقلني حته ابدي اداوم خالي: والله يابويه. مااتشوفين شلون حالنه ماكو مدرسه منسه: بس خالو مو اسراء ونبا جاي يداومن واني هم اداوم والله حته فلوس مااريد ومااخليك تشتريلي شي بس خليني اداوم حباب هاي وصيه ماما خالي : ماشي بس تره اني اختلف عن اهلج حالتي مو كلش منسه: حاضر خالو منسه: وبديت اداوم ومرت خالي شدت بالزايد كامت خلت كل شغل البيت عليه بس الطبخ عليها واني كمت اسوي كلشي حته بس تسكت وتخليني اداوم تنظيف انظف من الليل الهدوم اغسلهن كلهن المواعين كلهن عليه مرت الايام. ومرت خالي تزيد بالخباثه. لحد فديوم خبثت وماخلتني اداوم بيومها وجان عندي دروس هواي. فكمت ابجي وطلعت بره البيت يمه شيلمانه وگمت ابجي فجاه اجه ولد وكام يحجي يگلي يامخبل يطلع بهذا الحر. وبعدين عاط عليه لان مارفعت راسي فشلت راسي حته اشوفه وشفت ولد جبير وحلو مرتب. بس شو هذا من شافني مثل النصدم وكال هذا يامخبل يطلع الجواهر بسوگ الحراميه منسه: ماافتهمت شنو قصده فكمت وطبيت للبيت ********** ليث شالت راسها وياليتها ما شالته العيون مرسومات رسم ويلمعن من الدموع والرموش بارزات اكثر من الدمع والخشم احمر دم من البجي ماحسيت بروحي من گلت «هذا يامخبل يطلع الجواهر بسوگ الحراميه» وجنت اقصدها بالجوهره والشارع سوگ الحراميه بعدين كامت وطبت لبيت وعاف*ني رجعت لبيت عمتي سميه ومرت الايام وهذي البنيه بعدها ببالي وبعدين ارجع وحاجي نفسي واگول بقت بالي لان اصغيره معتبرها بمثابه اختي وهيج جنت اقنع روحي. بعدين شفتها من ترجع من الدوام وماادري ليش كمت الحكها وعيني تروحلها بدون ارادتي وارجع واقنع روحي اسوي هيج لان معتبرها بمثابه اختي ،بس هي من جانت تشوفني جانت تضوج مبين بعدها زعلانه من حجايتي مال يامخبل يطلع بنص الحر. ،،، وبالصدفه عرفت اسمها منسه من ابنيه صاحتها باسمها بره سنه من اول مره شفتها شالوا وهنا ماادري ليش حسيت كلبي انشلع من مكانه وبعدين رجعت اقنع روحي جنت معتبرها بمثابه اختي مرت الايام وتناسيتها ورجعت شغلي الشاغل الانتقام صارلي حوالي سنتين من طلعت من السجن ***** قيس نايم واجاني اتصال من شيخ حاكم قيس: السلام عليكم شيخنه شلونك الشيخ حاكم : وعليكم السلام الحمد لله بس اريدك تجي الخميس يعني عگب باجر عندي گعده عشاير واريدك تجي حته لو عندك شغل اجله وتعال قيس: تامر شيخ غلقت الخط وبقه بالي مشغول شعجب الشيخ هيجي مصر على جيتي صح هايمو اول مره اروح لگعدات وفصول بس دائما جان يكلي على فرغتك تعال واذا عندك شغل لاتجي بس هاي المره حيل مصر على جيتي حته شغلي يگلي اجله الله يستر قيس: اجه الخميس ووصلت للبيت وحضرت روحي للكعده. وصلنه لبيت عادي. وبده الشيخ حاكم يحجي بس استغربت من حجيه شنو الموضوع هذا مو حجي گعدات وفصول هذا غير حجي وانصدمت صدمه عمري. من حجه وياريته ما حجه من گال الشيخ حاكم : ……… يتبع …… ★★★★★★★★★

Free reading for new users

Scan code to download app

App Store Google Play

Facebookexpand_more