بارت 7

1239 Words

**ر القيود «عيون الملاك » ★★★★قراءه ممتعه ★★★★ كلها تحجي بالمحنه ومامش ابنادم يحن وانا مثل الناي دونك ويه كل شهگه نفس لازم اون ★★★★★★★★★★★ مكان اول مره انزوره كاعده بنيه عمرها 15 سنه وتبجي وتحجي سامعه البنيه الابوها يسميها تعيش طول عمرها مدلله بس اني حته هذا الشي انحرمت منه ابويه سماني مو حبا بيه وانما بس حته يثبت انو هو صاحب كل القرارات وامي مالها دور ابد دائما اسمع البنيه تكون اميره ابوها بس اني ماجنت اميره عنده ابويه ماجان لا اب حنون ولا زوج صالح امي جانت يتيمه وعدها اخت وحده اصغر منها عاشن بين عمامهن وبين خوالهم سنه عد ذوله وسنه عد ذوله لحد ماملوا منهن وقرروا يزوجوهن بس هنه رفضن الزواج لان جانن صغار خالتي الصغيره خطبها شيخ جبير واله مكانته وسمعت هو شايفها وحابها فاجه خطبها اتزوجت خالتي. واهنا امي بدت تعاني نسوان عمامها كامن يض*بنها وذبن كل الشغل عليها. ويريدنها بس تتزوج حته يخلصن منها. اخر شي خطبوها لابن خالها اللي هو ابويه تزوجته وشافت نجوم الظهر وياه ض*ب اهانه فقر عوز والاصعب من هذا كله هو انها ماعدها اهل حته تشكيلهم ابويه ماجان يشتغل ابد لان من جان بالتجنيد الالزامي تصوب فگامت تجي تعويضات مال اصابه وصار يعتمد عليها بس هو حيل بخيل ما يوم شترالي ل**به لو حلويات بالسنه مره وحده نشتري هدوم وهذا بره عركه جبيرهو يه امي ياله ينطيها فلوس ماتكفي دشداشه فتروح مرات تشتري من البالات لو تسوي عد خياطه بعد زواجهم بسنه اجيت للدنيا وابويه مارضه لاني بنيه راد ولد فگال لامي اذا ماخلفتي ولد اتزوج عليج براها بفتره امي حملت بتوم بس وگعت وماتوا وبالعمليه صار نزيف. فشالوا الرحم ابويه اتخذها حجه وكام يگول اني اريد ولد وهاي عاگر ما تجيب فراح تزوج وجاب مرته للبيت ويه امي مرته جانت حيه لا حته الحيايه ارحم منها كل يوميه عركه لحد ماابويه مل وانطه لامي غرفتين صغار وسوالها باب للشارع فصار مشتمل كلش اصغير وباقي البيت بقه لمرته براها مرته جابت ولد وهو تخبل عليهم الال**ب والحلويات. وكلشي يردوا گام يجيبلهم ومايوم ذكرني بشي. ينطي كل شهر مبلغ كلش قليل لامي. ومايكفينه بس اول اسبوع فامي بدت تشتغل تسوي كبب للجوارين لو تخبز وتبيع كله علعمود توفرلي اكل وراحه واكمل مدرسه بره 5 سنين من زواج خالتي تمرض وتوفت وامي هنا ماتت من البجي والقهر عليها حته امراض صارت بيها بس بقت تقوي روحها لخاطري اخر فتره امي گامت تتخربط وحالتها مو زينه. بره كم يوم كالت عدها شغل بالسوك تروح وتجي ليلى : يمه وين ترحينن للسوگ وانتي هيج حالتج لا تتخربطين ام ليلى : لازم اروح عندي شغله كلش مهما اذا مااسويها راح تخسرين كلشي ليلى : كلشي مافهمت ،،،شنو قصدج مامه ام ليلى : مومهم يله سدي الباب وقفليها زين ليلى: حاضر ،،، راحت ماما. وره ساعه تقريبا اجت وجانت فرحانه ماعرفت ليش ولا قبلت تحجي بره اسبوع گعدت الصبح البيت هادئ مو على عادته دائما مامه الصبح تكعد وتبدي اتلف كبه. لو تعجن حته تخبز اعاين ماما بعدها نايمه شعجب رحت يمها وكمت اهزها ليلى: مامه گعدي صارت بالعشره ،،،ماما اهز بيها وما تكعد وهنا وگعت اكبر مصيبه على رلسي ماما راحت وعاف*ني وحيده ماما ماتت. ابويه نصب فاتحه صغيره بس للكرايب والعرف 3 ايام الفاتحه اني صافنه ومامستوعبه ماما بعد ماكو. ضحكتها ودمعتها حته رزالتها الي اشتاقيتلها. لو هسه هي موجوده جان نومتني بحظنها وبقت تلعب ب*عري وتسولف وياي امي جانت كل حياتي ام واب واخت وصديقه كلهن جانت. وهسه راحت واخذت كلشي وياها بره وفات امي ابويه رجع البيت واحد وصرت اعيش وياهم مرت ابويه تفننت بت***بي طفله عمرها 15 سنه وشافت انجوم الظهر منها وهسه اني كاعده وابجي لان ابويه يريد يزوجني سنه ماتحملني ابقه ببيته وهسه يريد يخلص مني بالزواج حته مااعرف منو راح ازوج كل الاعرفه. ولد ابن شيخ معروف وهاي مرت ابويه مگضيته روحه رجعه تحجي وتبسمر مرت ابويه: اي عيني حظوظ بنت الفگر راح تاخذواحد يسوه راسها ،،، بس النجوم اللي على جتافه تسوه عشيرتها مرت ايام واليوم يوم ال*قد. واني مااعرف اي شي جني ل**به بدون اراده يجيبوني منا ويودوني منا اخير شي گعدوني بره باب وگالوا الشيخ من يسالج انطي موافقتج. ،، سالني الشيخ وانطيت موافقتي ،،براها الشيخ سال عريس الغفله. وانطاه موافقته بس شنو من صوت دگول ديناصور مو بشر الله يحميني منه اخير شي سمعت بعد اسبوع الزفه بدون عرس واجه يوم الزفه نفسي الشي لاارى لا اسمع لااتكلم هاي حالتي. ام الصالون خلتلي المكياج وحفتلي واني كلشي ماكو بس عيوني مدمعه من الوجع مال الخيط اخير شي رجعوني للبيت ومنتظرين الزفه شوبه وبدت الجهال تعيط اجه العريس ،،،اجه العريس ليلى: يارب سترك احفظني من هذا الديناصور وكون يطلع حباب يارب شو هذا حته ماطب دز خبر ياخذوني للسياره ركبت وهو بقه شويه يتشاقه وي ولد بعدين اخذوني لبيتهم وطببت للغرفه واني ارجف من الخوف. شويه وطب الديناصور ******************** قيس وانصدمت صدمه عمري. من حجه وياريته ما حجه من گال الشيخ حاكم : انه اليوم جاي وعندي طلب منكم واتمنه ماتردوني ،،، اني اريد اطلب يد بنتك المحروسه لابن اخوي قيس. وهو بضمانتي رجال من ظهر رجال وشتامرون احنه حاضرين ابو ليلى: شيخ حاكم گبع واخذ البنت بحساب بنتك انته تخيط واحنه نلبس واتفقوا على المقدم والمؤخر وابوها گال ماكو حنه بس خطوبه وعرس الشيخ حاكم : لعد اسبوع عدكم خته تحضر روحها العروس. وبراها تجي يمنه ونخليها بعيونه قيس: بقوا يسولفون بالعرس والخطوبه واني نار واجه بداخلي اني طول عمري مثل الطير الحر واكره سالفه الزواج تاليتها هيج يصير بيه رجعنه للبيت وطول الطريق اني ساكت بس اعصابي رااح تنفجر وصلنه وگعدت كبال شيخ حاكم وكتله قيس : يابه ليش سويت هيجي تروح تخطبلي واني اخر من يعلم شيخ حاكم : هذا اللازم يصير قيس: يابههه شنو اني رجل كرسي وتقرر مكاني هذا الزوااج ماراح يتم ابد شيخ حاكم : براحتك بس اسمع زين وافهم ،،اذا ماتم هذا الزواج لا انته ابن اخوي وبمثابه ابني ولا اني اعرفك قيس : يابه شن...... شيخ حاكم : كاااافي ،،گلت كلمه وماكو غيرها لو اتم الزواج لو تنساني قيس: صرت بين نارين ،،نار هذا الزواج اللي مااعرف راسه من رجله ونار ابويه الشيخ هذا الرباني وتهب عليه وكت ماكل اهلي عافوني والقرار واضح منو راح اختار قيس : صار ال*قد واني مامهتم واليوم يوم الزفه گلولي طب للبيت واخذ العروس بس ماقبلت وماعندي خلگ لعياره النسوان فگتلهم صعدوها بالسياره صعدت وسو اشوف هاي حيل كصيره بطلاع الروح توصل لص*ري زفوها للبيت وصار وكت زفتي كتلهم كلمن يروح لبيته بالبدايه ماقبلوا بس خزره وحده مني خلتهم كلهم يروحون طبيت وشفت زعطوطه عمرها تقريبا 15 سنه صدك انصدمت. هاي الناس شلون هيج تبيع بناتها اني مااعتبر هذا زواج هذا بيع بنيه بعدهي زعطوطه وينها وين الزواج اني لو عندي بنيه جا خليتها. طول عمرها يمي تعيش بدلال ابوها شلت التلفون ودگيت على شيخ حاكم قيس: شيخ انته صدك تحجي مزوجني زعطوطه هاي علعمود مصاصه تبيع الدنيا ومابيها شيخ حاكم : اسمع قيس هاي البنبه امانه برگبتك اذا فديوم اذيتها فاعتبرني متبري منك دنيا واخره ، وسد الخط بوجهي قيس: درت وجهي عليها وكتلها يله بدلي ولفي راسج ونامي اني انام بلهول. باي ليلى : من طلع صدك ارتاحيت راستن بدلت ونمت ومرت اول ايام هيج لو نايم لو يعاين افلام لحد مامر اسبوع واجه رجال جبير تعرفت عليه اسمه الشيخ حاكم وكلش حباب حته كلي صيحيلي اليعجبج يابه شيخ اي شي يعجبج صيحيني بي براها الولد اللي المفروض زوجي وعرفت من الشيخ حاكم اسمه قيس راح التحق وبقينه هيج عايشين *********************** بعد 5 سنوات جاي امش بالشارع رايح لشغلي الجديد كون انقبل بي واني جاي امشي مااشوف اله سياره ...... يتبع ...... ★★★★★★★★★

Free reading for new users

Scan code to download app

App Store Google Play

Facebookexpand_more