**ر القيود

بارت 8

**ر القيود

« عيون الملاك»

★★★★ قراءه ممتعه ★★★★

سلاما عل حواجب والرمش والعين

سلاما عل شفايف والشعر والخد

سلاما عل التمرد والغرور البيك

والشايل جمالك حقه يتمرد

★★★★★★★★★

بعد 5 سنوات

جاي امش بالشارع رايحه لشغلي الجديد كون انقبل بي واني جاي امشي

مااشوف اله سياره تعبر بكل سرعتها من يمي راد يدعمني الاثول

بس هو صوج الاهل منو ينطي سياره شكدها شكبرها لزعطوط

اوووف ،، راح اتاخر على الشغل الجديد

كمت امشي بسرعه لحد ما وصلت للبنايه مال الشركه صعدت وكلت للسكرتيره

العفو استاذ غسان موجود

السكرتيره : اي منو اكله

منسه: كليله منسه اجت

السكرتيره: عندج موعد

منسه: اي

السكرتيره: تمام لعد انتظري اشويه

السكرتيره: الوو استاذ غسان اكو بنيه اسمها منسه منتظرتك بالاستعلامات وتگول ماخذه موعد

غسان : تمام خليها تتفضل

السكرتيره : تفضلي استاذ غسان منتظرج

منسه : شكرا

منسه : استاذ غسان يصير رئيس القسم القانوني بالشركه والايد اليمنه لرئيس الشركه. وهو اخو صديقتي بالجامعه.

اني ادرس تربيه لغه انكليزيه بس من وره مرت خالي وبساميرها وخوفي لاتبطلني قررت اشتغل. فكمت ادوور شغل ومن درت صديقتي. اني محتاجه شغل وصت اخوها عليه وكللها تكدر تجي وتشتغل سكرتيره للمدير العام لان السكرتيره القديمه اخذت اجازه.

منسه : دگيت باب المكتب.

استاذ غسان : تفضل

منسه : اهلا استاذ اني منسه اجيت علعمود شغل السكرتيره

غسان : اهلا بيج منسه ،، شوفي انتي راح تكونين سكرتيره المدير العام ،، الاستاذ كلش دقيق بشغله ومواعيده ،، ابدا مايحب يتاخر. على اجتماعاته فلازم قبل يوم تنطي خبر وقبل وكت الاجتماع. بنص ساعه تنطي خبر مره ثانيه ،، عرفت انتي طالبه. فهسه عطله. راح يكون دوامج من 8 الصبح لحد 2 الظهر واذا عدنه شغل زايد تبقين لل3 الظهر

كل الايام دوام باستثناء الجمعه عطله. ومن يبدي دوام الجامعات اغيرلج الوقت تمام

منسه : تمام استاذ ،،، استاذ غسان يحجي وينطي التوجيهات واني وي كل كلمه انزعج من هذا المدير مبين حقنه ونفسيه بس مجبوره اتحمله،، استاذ غسان اتصل بالسكرتيره. وكللها. دليني بمكتبي وتساعدني بشغلي لحد مااتعلم ،، والبنيه ماقصرت اسمها موده كلش حبابه وهادئه علمتني على الاوليات وكلتلي

موده : المدير اليوم ماخذ اجازه. فتعلمي الشغل اليوم وحضريله جدول باجر واذا احتاجيتي شي مكتبي قريب عليج

منسه : تسلمين عمري ،، بديت اشتغل واسوي جداول ومواعيد الشغله كلش حلوه وعجبتني. حته ماحسيت بالوقت ،،، صارت الساعه 12. اجتني موده وجايبه لفات وياها. كعدت يمي

موده : منسه هاج هاي اللفه اكلي صارت استراحه الغده

منسه: شكرا ،، بس كليلي سعر اللفه

موده : ياا شنو هذا الحجي غير انتي صديقتي وعزمتج. ،، ولاتخافين مو بلاش المره الجايه لنتي تعزميني ههههه

منسه : بقينه اني وموده نسولف ونضحك كلش حبيتها هادئه. وطيبه. بشكل واحنه جاي ناكل اجت وحده. خاله على وجها طن كال مكياج ولبس حصر وقصير. كتلها

منسه: منو هاي موده

موده : هاي شمس ،، ديربالج منها وحده تحب المشاطل وتضوج. من اللي احسن منها

منسه : مرت الاسمها شمس من يمي بس شو هاي تعاين بطريقه محلوه ومستفزه بس تجنبتها مااريد مشاكل من اول يوم وعيب من صديقتي اخته لاستاذ غسان هي التوسطتلي وسمعت استاذ غسان هو الكفلني ووصه بيه للمدير اي شي يصير ينذب براسه فعيب منه

منسه : خلص اليوم رجعت للبيت ومن الباب استقبلتني مرت خالي بالحجي

مرت خالي : اي عيني ناس تروح وتفرفر واحنه هنا نظف ونطبخ ونشتغل. بنات اخر زمن

منسه : عمه. تره رايحه اشتغل حته اجيب فلوس لو ماتردين فلوس براس الشهر اذا ماتردين كليلي حته ابطل وابقه بلبيت

مرت خالي سكتت و راحت

منيه : اعرفها تحب تغثني من اني صغيره هيج ياما وياما حاربتني على الدوام لان جنت اشطر من بناتها. وكل ساعه تگول لخالي بطلها وماعدنه فلوس ومانكدر على المصاريف وكومه حجي وخالي يسكتها ويكللهاحالها حال بناته مو يروحن للمدرسه هي هم تروح هاي وصيه وامانه اختي مستحيل اذيها فكافي ،،،، وبالسادس اعدادي حيل اذتني. وكالت بس ترسبين لو تعيدين السنه ابطلج وماخلتلي اي مدرس. وكل ماتشوفني كاعده اقره تكومني اشتغل. بس اني جنت اسهر بالليل كته اقره ورحت للامتحانات وااحمد لله نجحت وجلت معدل دخلني. قسم لغه انكليزيه و العام بالمرحله الاولى حيل عذبتني وتحجي عليه بالرايحه والجايه لحد ماتعبت وقررت اشتغل وهسه بفضل الله بديت اشتغل بلكت تسكت وتريحني

ثاني يوم

رحت للشركه

وصلت هناك ب8 الا خمسه سلمت على موده وبقينه نسولف. ومن صارت ب8. موده كلتلي

موده : ولج منسه روحي بسرعه المكتبج اكيد وصل المدير لان صارت ب8. وهو مايتاخر على المواعيد ،،، واذا اجه وشافج مو بمكتبج لو يفصلج لو يرزلج فروحي

منسه : سمعت كلامها ورحت لمكتبي واني بديت اطلع بالسجلات. طب واحد حيل حلو ومرتب. وراد يدخل لغرفه المديرصحت عليه منسه : اوكف وين رايح. شو ابكيفك انته. اتريد تطب لغرفه المدير غير تاخذ موعد. تنطي خبر. قابل الشغله تايهه. وهسه اذا سمحت اگعد اهنا وكلي عندك موعد ويه المدير لو لا واذا عندك موعد انتظر هنا واذا ماعندك. احددلك موعد ومن يصير وقت فراغ للمدير اخليك تقا**ه ،،،، انتبهت شو اني احجي وهذا حته كلمه ماگال واكف ويعاينلي عبالك كائن غريب كبالي لدرجه حسيت روحي. شبح وهو مصدوم لان جاي احجي .

منسه : موجاي احجي وياك ،،،شو هذا جاوبني

المدير : صيحي غسان وكليله المدير يريدك ،،،وطب للمكتب

منسه: شو هذا يكول غسان بدون استاذ ،،، وطب لمكتب المدير والاغرب يكول كليله المدير يريدك ،،،،ض*بت على خدي ،، رحتي بيها منسه هذا هو المدير الحقنه اكيد راح تنفصلين

منسه : رحت لاستاذ غسان. وكتله المدير يطلبك ،،، طب استاذ غسان لغرفه المدير واني بقيت بره افتر بمكاني ومتوتره وخايفه ،،،اكيد راح يفصلني امده حظج منسه من اول يوم تعاركتي ويه المدير ،،، شويه وطلع استاذ غسان. وگلي منسه المدير يريدج روحيله للمكتب .

منسه : كمت ادك والطم. وحته الدمعه كامت تلالي بعيني ،،،بعدين شجعت روحي وگلت. منسه ماصار شي مجرد سوء فهم. واذا راد يفصلج فهاهيه انتي ماسويتي شي.

منسه : استجمعت شجاعتي و دگيت الباب سمعت صوته الخشن وهو يكول ،،تفضل

طبيت وگتله نعم استاذ صحتني

…… : اللي صار اليوم مااريده يتكرر راح اعفو عنج لان اول يوم الج مفهوم

منسه : شكرا حضره المدير

……: انتي سكرتيرتي يعني كل اجتماعاتي وشغلي. انتي مسئوله عنهن اني گلت لغسان يگلج بالتعليمات فاكيد گلج

وها اضوج واحد يكلي حضره المدير. من تحجين تكليلي. حاضر استاذ ……

يتبع ……

★★★★★★★★