بارت 9

965 Words

**ر القيود عيون الملاك ★★★★قراءه ممتعه ★★★★ ضحكتي حجايه اخرس گاعد بديوان سمع جلمه باطل لجن ناگدر يحجيها مثل خنگه هذاك البلسجن ويشوف مفاتيح السجن حارس يفر بيها ★★★★★★★★★★★★ انتي سكرتيرتي يعني كل اجتماعاتي وشغلي. انتي مسئوله عنهن اني گلت لغسان يگلج بالتعليمات فاكيد گلج وها اضوج واحد يكلي حضره المدير. من تحجين تكليلي. حاضر استاذ ليث مفهوم منسه : مفهوم استاذ ليث ليث: تمام ،،هسه تفضلي لشغلج ********* ليث راجع من الشغل واني ميت من التعب رحت لشقتي بدلت هدومي وتمددت بفراشي وبدت الافكار اداهم عقلي وفكري بعد ماطلعت من السجن وعشت يم عمتي سميه 3 سنين قررت استقل بحياتي وافتح مشروعي الخاص طول فتره وجودي بييت عمتي سميه جنت اشتغل عامل بمحل واجمع فلوس الشغل حته احقق مشروعي الاجيت بي واللي نجاحه راح يحققلي انتقامي اني من طلعت من بيتنه اخذت الذهب مال امي لان قبل وفاتها گالت هذا الذهب الك ذخر وگت العازه وبقيت طول الفتره السابقه محتفظ بي رحت بعته جاب مبلغ كلش زين بقيت بس محبس وگلاده هذني مابعتهن لان غاليات على گلب امي والهن قصه فضميتهن . وباقي الذهب بعته وبفلوس الذهب والفلوس الضامها من 3 سنين وفلوس انطانياها شيخ حاكم لان صار شريكي بالمشروع فتحت شركه صغيره للتجاره يعني استيراد وتصدير وجنت متوتر علعمود الشغلات القانونيه فجبت ولد اعرفه يدرس قانون مرحله 4 وحالته الماديه ضعيفه بس الولد دره مال الله وامين بشكل واعرفه صارلي فتره اسمه غسان جان يشتغل وياي بالمحل عامل من فاتحته بالمشروع كلش فرح وكام يشجعني وصار يشتغل وياي اعتبرته ايدي اليمنه وهو مامقصر وقيس كل شهرين يجينه اسبوع يساعدنه وراها يرجع لشغله جانت اصعب سنتين عليه اشتغل من جهه وادرس من جهه لاخ لحد ماتخرجت والشركه جانت الها سمعتها بسوق العمل صح صغيره بس عدنه عدد من العملاء اللي يتعاقدون ويانه بعد تخرجي من الجامعه صارت الشركه هي حياتي كلها لان عن طريقها راح انتقم بديت اوسع بالشغل واطور منه لحد ما بسنتين صارت من ارقى شركات الاستيراد والتصدير بالعراق وكثرت سفراتي للبنان والامارات وتركيا وتغيرت حالتي هواي ماعدت ذاك الجاهل اليتعير ويكلوله ابن الخدامه ولا عدت انض*ب من ابويه الماشفت ابوه منه بحياتي. تغير وصرت ليث جديد قوي وعصبي وقاسي والانتقام هو اليشغل كل ذهنه فزيت من صفنتي على دگه الباب ليث: منو قيس: رحمه لله منو يجيك غيري ليث: يعني عندك مفتاح الشقه ليش ماتفتحه ،،،لو حضره جنابك ماتكدر لازم الا واحد يفتحها الك قيس: هسه هي باب بعد عليمن هلكد تحجي الله يساعدها التاخذك ليث: دسكت اسكت قيس: حجايه الحق ماتعجب ،،، المهم. ابويه الشيخ يريدك اتروح الاحد لمروان ابو التصدير. حته تتفق وياه ليث: تمام ،،،الاحد يعني بعد يومين ،،انروح ونشوف شنو تاليته السبت رحت للشركه وحجه وياي غسان عن بنيه من طرفه يريدها تصير سكرتيره بمكان السكرتيره القديمه وافقت لان واثق بغسان وبكل الاشخاص البطرفه لان هو اللي ساعدني بالشركه وحته اسس قسم قانوني من خمس محامين مسؤولين عن كل عقود والاجراءات القانونيه بالشركه وغسان يشرف عليهم فاثق بي. بشكل مو طبيعي الاحد رحت لمروان ابو التصدير وتفقت وياه على ال*قد والسعر وكومه شغلات خاصه بالشغل باليوم البعده رحت للشركه ومن ردت ادخل لمكتبي اعترضتني بنيه وبقت تحجي. ان لازم اخذ موعد وحجت هواي عرفتها السكرتيره الجديده اللي جابها غسان عاينتلها من فوك ليجوه. حيل حلوه وملامحها تسحر الواحد على الرغم هدومها وشكلها بسيط بس تجذب العين. دخلت لمكتبي وقبلها كتلها صيحي غسان. كليله المدير يريدك شفت وجها شلون انصدم والاحله شلون عيونها توسعت ووجها نخ*ف لونه وسمعتها دردرم ويه روحها وتكول الله يطيح حظج منسه راح تنفصلين من ثاني يوم . دخلت للمكتب واني لاول مره ابتسم واضحك من گلبي شكلها صدك يضحك بعدين دخل غسان للمكتب وحجيت وياه عن اتفاقنه ويه مروان ابو التصدير وال*قد وامور الشغل من خلصنه كتله صيحلي السكرتيره الجديده صاحها وحجيت وياها ببرود وكتلها تصيحلي استاذ ليث جاوبتني وبعدين طلعت رجعت لشغلي بس بقه فكري يرسم صورتها وكلت لروحي شمالك ليث تخبلت. مجرد سكرتيره حالها حال القبلها واذا حلوه شويه انتي شايف وعايف ومرت الايام منسه هذا المدير حيل غثيث الملفات كلها صحيحه وماكو اي اخطاء بس من يكمشها يكوم يطلع اخطاء من جوه الكاع هاي الكلمه ليش مامبينه هذا الرقم لازم يتوضح الاطار غيري مو حلو الجدول عدلي الاجتماعات لازم تخبريني بيها قبل ساعه كوب كهوه كل يوميه الصبح هاي بدون كل ساعه جاي لمكتبي ويتامر هاي الملفات مخربطه عدليها هاي السجلات رتبيها على الحروف الابجديه هاي ال*قود رتبيها على التواريخ يعني شيب راسي صارلي شهر من بديت اداوم ومايوم مر اذا مااجه وعاد نفس الاسطوانه. لا يمل ولايكل مرات افكر استقيل من وراه وبعدين اتذكر اذا استقلت مرت خالي راح تبطلني من الجامعه صبررررك ربي ،، صبررررك ليث مرت الايام واني استمتع بت***بها ماادري ليش ارتاح وابقه مبتسم من اشوفها معصبه والخدود حمر من العصبيه. وادري لو بيدها جان ذ*حتني ******** قيس رجعت من المعسكر اليوم موعد نزولي والعله موجوده بالبيت اي عله وبلاء الله ذبه عليه ليهسه اتذكر شسوت بيه هاي القزمه ليلى بره زواجنه. رحت التحقت للمعسكر وبره شهر رجعت نزلت. جنت اتجاهلها بالبيت لان بعقلي هاي زعطوطه وماتفهم شي بس اتفاجاء بنظافتها وعنايتها اني قبل جنت اجيب شغالات للبيت ينظفن ويرتبن وانطيهن براس الشهر فلوس من اجيت انصدمت بشيخ حاكم من كلي ليلى طلبت يبطل كل الخدامات والصدمني اكثر هو الترتيب والنظافه احسن من قبل صعدت لغرفتي حته ابدل وانزل يمه الشيخ نزلت وبقيت اسولف لحد بره ساعتين او ثلاثه تعبت فترخصت اصعد الغرفتي حته انام فصعدت طبيت للغرفه الغرفه ظلمه وبارده مال واحد بس ينام رحت كبل شمرت روحي على الجربايه ومااسمع الا ……… يتبع …… ★★★★★★

Free reading for new users

Scan code to download app

App Store Google Play

Facebookexpand_more