**ر القيود

بارت 10

**ر القيود

عيون الملاك

★★★ قراءه ممتعه ★★★

انا الذي وقفت ضد الحب مناضلا ،

حتى رأيت

عيناها ،فبعت القضية..!!

# Atheer Fadhil

★★★★★★★★★★

طبيت للغرفه باردة والسلبت معلوك ظلمه كلشي ما اشوف واريد بس ارتاح شوكت اوصل للفراش ذبيت نفسي على الفراش

حسيت بأنفاس حارة يمي بس جنت تعبان كلش ورة شوية فززتني عيطة

منوووووو

الغرفه ظلمه بسرعه طفرت ووكعت من الجربايه والنعاس بعيني فتحت الضوة ...جانت كاعدة على الجرباية اول مشاف*ني شهكت وعاطت

ليلى : شسوي هنا

كتلها غرفتي وبكيفي انتي شسوين هنا

بلعت ريكها وكالت عمو الشيخ كلي هاي غرفه الج لان عطل السبلت واجيت انام بيها

قيس: تحجي ولابسة دشادشة ربع ردن الزنود بيضه ومن الص*ر دلعه ونص ص*رها مبين شعرها المخربط اسود ليل ضارب على بشرتها بارز بياضها بالزايد كلت بداخلي هسه فوگ تعبي انتي تعبيني

رادت تنزل من الجرباية ورجليها بينن بيض ....بلعت ريكي زفرت استغفر الله يلا كومي طلعي

ليلى بس ابدل

قيس : ومنو مانعج ماتبدلين

ليلى : حباب بس اطلع لحد ماابدل

.

قيس....هاي غرفتي وبكيفي شنو تتحكمين بيه وتطرديني من غرفتي

ليلى ..مو قصدي بس ابدل خوما ابدل كدامك

قيس .....ليش شراح اسويلج مثلا

اني انسمط جدي السابع وهيه بعدها كاعدة وفوكها خجلت والخدود صارن طركاعه حمر يكللي تعال طفيهن

اخير شي استسلمت

وطلعت من الغرفه بدلت وراحت رجعت وصورتها مفاركتني حتى النومه طارت والنعاس تبخر كمت كلما اجي للغرفه اتمناها تخطأ وتجي تنام بيها عاد اشوفها كدامي بس لا شلون تخلي قيس يرتاح لازم تشل احواله كامت تنام بالغرفه القديمه على الرغم هذيج الفرفه تسمط من الحر

احلى شي يجمعني بيها من نكعد ناكل اشوفها وهيه كاعدة وكدامياحس الروح ترجعلي تعجبت على روحي وعلى ادماني الها ولشوفتها ومره جانت تنقل الاكل دنك تخلي وتروح رحت وراها جان بيدها الخبز بعدها بالمطبخ اتعدمت اصخرها

قيس ...ليلى جيبيلي مي وياج جنت وراها

نزت مني ودارت وجها ت بسرعه ورادت توكع لزمتها ولزمت بقميصي صرت قريب عليها ايدي محاوطه خصرها وجها قرب على وجهي شفايفها كبالي اتبخرت قوتي وهيه بين ايديه ترجف خجلانه

ليلى : هسه اجيبلك مي

دنيت عليها كتلها عطشان ارويني

باوعتلي نظرة فاهيه مستغربه

بستها من شفتها

وهمستلها هسه ارتويت

ومرت هيج الايام بينه كلما تشوفني تشرد واني كلما اشوفها اشتعل وانطفي

والياذيني بعدها طفله ومافاهمه شي بهاي الدنيا.

فزيت من ذكرياتي على صوت السايق يكول

السايق: اخوان وصلنه كلمن ينزل غراضه

قيس: نزلت غراضي وبقيت اتمشه للبيت واني عقلي وفكري يمها

بعدين ارجع ارزل روحي واكول قيس بطل هل سوالف انته مو مال حب وهذا الخرطي

دخلت للبيت

وشفتها واكفه بالمطبخ وتطبخ بالتمن الريحه تعط بكل البيت. واني عيوني سارحه بيها

كحيت بصوت عالي وكلت

قيس: احم احم السلام عليكم

ليلى : فزيت من صوته ودرت وجهي واني اعدل بروحي نزلت اردان الدشداشه وكلت بارتباك

ليلى: وعليكم السلام ،،الله يساعدك شوكت اجيت

قيس: من سمعت صوتي ارتبكت وبقت اتعدل روحها جان اردانها مرفوع بقت تنزل بي بارتباك والوجه والخدود طمامه مال عض

قيس: جليت صوتي وحجيت ،،، هسه اجيت وتعبان. من الطريق رايح اسبح واتمدد

ليلى بخجل : الحمام حاضر جهزته قبل شويه والهدوم خليتهن على الجربايه

قيس: عاينت بنظرات ماكره وكلت واني رافع حاجبي

اي ست ليلى شعجب تذكرتينه وحضرتي الحمام من وحدج بدون مانبقه سنه نحجي ياله تجهزي

ليلى بخجل وهي دايره وجها : تريدني ماسوي خوش لعد بعد مااسويهن الك

قيس: لا عمي رحم الله والديج من اتذكرتينه

ليلى: من كال رحم الله والديج تجمعت الدموع بعيني تذكرت ماما وحنيتها ،،هه وتذكرت اليتسمى ابويه صارله 5 سنين من زوجني غصب وشمرني ومايوم سال عليه لو اجه شافني احمد الله واشكره لان. تزوجت بنص ناس خيره وتخاف الله ،،انتبه عليه وكال

قيس: انتبهت عليها ضاجت وعيونها دمعت. كتلها ،،،، لا تضوجين امج الله يرحمها وهسه تلكيها بمكان احسن منه بميه مره

واذا على ابوج فاحنه عائلتج ومستحيل نعوفج

ويله مسحي دموعج وصبي راح اموت من الجوع اسبح واجي

ليلى: راح يسبح واني كمت احضر بالاكل ورلها نزل واجه عمو الشيخ وكعدنه ناكل

قيس : من نزلت لكيت ابويه الشيخ موجود بست راسه وكتله شلونك شيخنه مشتاقيلك

الشيخ حاكم : هو منو اللي يروح وبالشهر يجينه مره

قيس: هههه حقك يابه حقك. بس ادعيلي اترقه حته يصير دوامي عشره بعشره

الشيخ حاكم : الله يوفقك ،، وروح الليث سمعت يريد يفتح فرع جديد روح ساعده

قيس: اي يابه گال. وقررت الاسبوع الجاي اروحله

ليلى : بقو يحجون بالشغل ،،، فكمت لميت المواعين الفارغه وغسلتهن. وارتب بالمطبخ واني متوتره وبنفس الوقت فرحانه لان قبل سنه قيس جابلي كتب وكلي درسي خارجي وبعد 4 اشهر تبدي امتحاناتي فاريد اجيب معدل زين قيس : كملت غده وصعدت لغرفتي حاير شراح اسوي من جهه ليث وانتقامه ومن جهه العسكريه وتعبها ونوبه هسه ليلى ومااعرف شلون اتصرف وياها. عندي حرب بين گلبي الحابها وبين عقلي اللي يگول. ماكو مره تستحق الحب ،،،،،اخخخخ صبرك ياربييي

*********

منسه

مرت الايام واني بين الشركه والبيت مرت خالي ماخلت خباثه تعتب عليها كلشي سوت الشي الوحيد المصبرني هو علوشي ابن خالي عمره 5 سنين يخبل اني دايره بالي عليه من اجه للدنيا لان من جابته مرت خالي تمرضت فذبته عليه اني اداري. وكلش متعجبه منها اكو امي تشمر ابنها لا وابنها الوحيد على 4 بنات

رجعت للبيت من الشركه وتعبانه تلكاني علوشي من الباب

علي : شجبتيلي وياج

منسه : هاي كل يوميه يسويلي سيطره بالباب اذا مااجيب شي يبقه يبجي ،،،طلعتله مصاص من اليحبه. وكتله

شوفي اليوم شجبت لعلوشي الحباب ،،،، تارارا

مصاصه

وبقيت اتشاقه وياه لحد ماعاطت مرت خالي عليه حته اصب الغده

منسه : اووف اووف هي وبناتها

بالبيت ومنسه المگروده فوك الشغل والتعب الشغل كله عليها خرب حظج منسه بدلت بسرعه وغسلت ونزلت للمطبخ

بديت اصب الاكل وارتب بالسفره وراها صحتهم واجو ياكلون وفوكاها يتشرطن فوك مااني الطابخه والتعبانه تاليتها يتفيكن

اليوم البعده رحت للشركه وشفت مستر ازعاج اقصد استاذ ليث واكيد ما خلصت من ملاحظاته وازعاجه.

بره ساعه اني مدنكه واشتغل على القوائم سمعت صوت خشن يكول

استاذ ليث موجود

رفعت راسي وشفت ......

يتبع ......

*********