بارت 11

842 Words

**ر القيود «عيون الملاك » ★★★قراءة ممتعه ★★★ وحتبقه ال'''ليش''' تاكل بگلوبنه ★★★★★★★★★ منسه بعد ساعه اني مدنكه واشتغل على القوائم سمعت صوت خشن يكول استاذ ليث موجود رفعت راسي وشفت استاذ غسان شايل كارتونه بيها ملفات هواي بايدة والملفات اكثر من الكارتونه بحيث باي لحظة يوكعن منسه: اي موجود .. وكمت اساعدة بالملفات خليتهن عله مكتبي وكتله انتظر بس انطي خبر لاستاذ ليث حته تتفضل غسان: تمام منسه : دكيت الباب على استاذ ليث وجان جوابه ليث ببرود: تفضل منسه : العفو استاذ ليث استاذ غسان منتظرك تسمحله يدخل ليث: دخلي منسه : رجعت لمكتبي وكتله ،،، تفضل استاذ ليث منتظرك وشلت وياه الملفات ودخلناهن لمكتب استاذ ليث ،،،،، وجنه نحجي غسان : مشكوره منسه لو ما مساعدتج جان هسه. نص الملفات واكعه وابقه اشيل ملف يوكع ملف منسه :ههههه. لا ولو. هذا واجبي استاذ دخلنه للمكتب واحس نظرات المدير بدها تذ*حني حته من ردت اطلع صاح عليه بصوت عالي وكال سدي الباب وراج وكتها حسيت بفشله مالها حد وشكد ماجنت اضوج منه صرت اضوج اكثر بعد ،،، بقه استاذ غسان ساعتين وطلع رجعت الشغلي واني بالي وفكري كله يم مرت خالي صارلها يومين تتصرف بغرابه وهادئه ماتسوي مشاكل اكيد اكو شي بره هذا الهدوء خلصت شغلي ورجعت للبيت. وعرفت السبب ******* ليث طلع غسان واني احس عبالك بركان راح ينفجر بداخلي من شفت ضحكتها ويه غسان واني احترك ادري ماكو شي بينهم وادري جان مجرد مساعدة بس ماجاي اهدء ابد والاغرب ليش هيج جاي احس ليث لا مستحيل ليث انته مامنحقك تحب ولا تفكر بالحب اصلا انته لازم تنتقم وبس عشت كل هاي السنين حته بس تنتقم فكافي طلع هاي التفاهات من عقلك وركز عله شغلك لان راح يبدي انتقامك * ******** قيس شايف النهر من تشمر عليه حجارة شلون يتخربط صفائه هيج حال عقلي ماجاي اكدر افكر ولا اتخذ اي قرار. كلشي مخربط وماكو اللي يرتبه من يوم نزولي للبيت وليهسه متجنب ليلى. وهي متجنبتني صار عله هاي الحاله. المشكله بديت اميل الها لبرائتها لتصرفاتها بس اني اعرف هذا غلط ليلى امانه يمي. ولازم يجي اليوم اللي تروح بي مااريد اتعلق وانترك من جديد مثل ماتركتني امي بس بقه بداخلي ينبض شعور غريب اتجاه ليلى شعور اتمنه يختفي لان اعرف بروحي. راح اتحطم بسببه شعور مااريد. اسمعله ولا احس بي لان دفنته. بيوم شمرتني امي وراحت تعيش حياتها ************ ليلى كلشي عادي والايام نفسها تتكرر ماكو جديد. اكعد الصبح انظف البيت اسوي الريوك الي وللشيخ حاكم وراها اغسل المواعين بعدها الغدة بعدين المواعين بعدين تنظيف من جديد وترتيب الحديقه الصغيرة اللي بلبيت بعدين العشا. وهكذا نفس النظام يتكرر كل يوم. الشي الوحيد اللي يهيهيني هي القرايه الجاي اقراها للامتحانات مابعد هواي امتحن خارجي وهذا الشي مفرحني ومخوفني بنفس الوقت دائما تجيني افكار راح ارسب وماراح انجح وبنفس الوقت مرات تاخذني احلامي حته اتخيل فرحتي اذا نجحت وجبت معدل عالي واليوم احس بروحي مخنوكه شيخ حاكم :شبيج بويه ليله ليش هيج ضايجه ووجهج مو عله بعضه ليلى : ماكو شي. ،،، بس شويه مخنوكه شيخ حاكم : بنيتي مخنوكه وانه موجود حظر روحج يابه. اوديج للمزرعه الصغيرة. شمي هوة. وغيري نفسيتج بس خل افرغها الج من الفلاليح واجي يمج ليلى : حيل فرحت. من كال الشيخ نروح للمزرعه لان حيل حلوة. وبيها ساگيه وشجر ومرجوحه تخبل والجو هناك غير شكل صح احنه بريف وعدنه مزارع بس كلهن. م***ع اروحلهن لان بس زلم بيهن. فطول الوقت بلبيت بس الشيخ كل اسبوع او اسبوعين يفرغ المزرعه الصغيرة وياخذني الها لان يعرفني حيل احبها ليلى :حضرت روحي ومنتظرة الشيخ لان كال. افرغها واجي اخذج شو مرت ساعه وماكو ساعتين وهم ماكو خفت خاف صار شي شويه وندكت الباب فتحتها وجان اشوفه كبالي ليش اجه برة كل هاي السنين ليش برة مابديت انسه يرجع ******************** منسه رجعت للبيت وعرفت سبب الهدوء اللي جان نازل عله مرت خالي جانت جاي تنسق خطابه لبتها خالي عندة اربع بنات 2 مزوجات و2 بعدهن وولد واحد اللي هو علوشي عمرة 5 سنين وهسه جانت تحضر للخطبه بالسكته خاف عود اخرب عليهن الخطبه ماتدري اني اكثر وحدة افرح بزواج بناتها حته اخلص من خباثتهن صعدت للغرفه بدلت هدومي ورتبت كلشي ورحت اصب غدة واسمعهن يتبسبسن بصوت ناصي بحيث مااسمعهن والله ضحكني سوالفهن. مال الصغار ماتناسب عمرهن ************** ليث صارلي يومين. ماشايف النوم تعبت حته من روحي منجطل على التخم وعقلي بي معركه من الافكار فكره تجيبني وفكره توديني. والمشكله ماجاي اعرف روحي شريد ، احس روحي تايه بهاي الدنيا. وحيد بلا اهل. كل يوم يمر اشتاق لامي ، وابقه احجي واكول وين رحتي وعفتيني. ، مافكرتي بيه قبل ماترحين. عفتيني وحيد. بلا سند لا اخ لا اب لا ام. جني طفل وتايه من اهله اشتاقيتلج يمه لكلشي اشتاقيت لضحكتج التشرح لنفس. لابتسامتج لقهرج ودمعتج البطرف عينج لنظرتج حته لصوتج وعطرج اشتاقيت يمته اموت واجي يمج ،، الشي الوحيد المعيشني بعدج هو الانتقام. لازم اخليهم يدفعون ثمن كل دمعه نزلت من عينج ثمن كل ليله. نمتيها جوعانه كل يوم انض*بتي بي بلا ذنب راح يدفعون الثمن ومااكون ليث اذا ماادفعهم الثمن كمت ورحت لمكتبي وبقيت اطلع بالاوراق هذا شغلي. وتعبي وانتقامي. مابعد هواي ويبدي الحساب انتظريني سعديه ايامج معدوده والحق لازم يرجع لصاحبه لان مايبقه ليل لو ما يزيحه فجر يتبع ... ★★★★★★★

Free reading for new users

Scan code to download app

App Store Google Play

Facebookexpand_more