بارت 12

851 Words

**ر القيود «عيون الملاك » ★★★ قراءه ممتعه ★★★ شسولف والعمر ماجاي سد بسد دنیا وطشرتني أبين جزر و مد نذرت شگد دعیت شگد چم طارش أدز لله وأتاني ومايجيني الرد . ★★★★★★★ ليلى شايفين الوردة اذا اجتهه هبه ريح شلون تتبعثر شلون تبقه تميل وتقاوم تاليتها تنهار وتفقد. اوراقها وويه اوراقها تفقد جمالها ورونقها . هذا جان حساسي من شفته ابويه اي ابويه. اللي. ليهسه مشاعري مخربطه تجاهه مااعرف اذا جنت احبه او لا. اكرهه او لا. احقد عليه اولا. ماادري اي ماادري كل مرة اگول كرهته الكه شي بداخلي يصيح لا هذة ابويه مااكرهه وكل مرة. اكول هذه ابويه ولازم احبه. شي بداخلي يصرخ ويكول لا هذة الشخص عذب امج وعذبج شمرج بيد مرته وماهتم الج. مايوم صرف عليج ولا يوم باسج ولا يوم كلج شمحتاجه.ولا شتردين. مايوم مسح عله راسج اصلا ونهه كلشي من زوجج ومايوم زارج او سئل عليج بعد ليش تحبي هاي هي مشاعري تجاه الواگف كبالي هسه. مشاعر. ل**ني وعقلي وگلبي. كلهن مايعرفن يفسرنها صارلي سنين ناسيته او الاصح جنت متناسيته بكل مرة يخطر بالي. جنت اغير افكاري واتجنب سيرته اسمه. صورته كلشي يخصه بتعدت عنه حته مااتذكرة بس بقه موجود بداخلي مهما سوة يبقه ابويه واسمه بظهر اسمي بس ياترى اكدر احس بالحب تجاهه!!! كل هاي الافكار والمشاعر جانت دور بداخلي بهاي الثواني الشفته بيها واكف بالباب ثواني بس.بهذي الثواني فصلت عن كل هذا العالم ما فززني من صفنتي او صدمتي اله صوت الشيخ حاكم وهو يكول شيخ حاكم : يابه ليلى شنو نبقه بلباب يله خل نطب ليلى : طب الشيخ حاكم. وابويه وياه احنه بالبيت عدنه ديوان خارجي بس للزلم خاص بالخطار والديوان مفصول عن البيت تماما وعدنه استقبال داخلي من شفت الشيخ حاكم ماكعد ابويه بالديوان وانما ضيفه للبيت عرفت قصده عود يريدني اشوفه بس اني تجنبت كلشي وحته كلمه ماگلت همه كعدوا بالاستقبال واني رحت للمطبخ احظر بالضيافه وعقلي شارد و احس الدمعه تلالي بطرف عيني رحت للاستقبال وقدمتلهم الضيافه بدون مااحجي شي ردت اروح واختفي من كدامهم بس ابويه حجه ابو ليلى: شلونج يابه ليلى،، كعدي يمنه اريد اشوفج ليلى بصوت حاولت من خلاله تخفي الالم البداخله بس بقه ظاهر بنبرة صوتها :بخير الشيخ حاكم من شاف الوضع شلون متازم بينهم قرر ينطيهم مجال يحجون وكال الشيخ حاكم : خويه ابو ليلى اخذ انته وليلى راحتكم واحجو. واني اترخص عندي شغل. شويه واجي طلع شيخ حاكم من الاستقبال وبقينه اني وابويه جان ال**ت هو كل اللي بالمكان ع هذا الهدوء صوت ابويه وهو يگول ابو ليلى : ليلى ادري انتي شايله بخاطرج عليه. لان ما اجيت وسئلت عليج بس صدكيني جنت حيل مشغول وماتدرين الدنيا شسوت بيه ،، اني مهما سويت ابقه ابوج وابقه احبج. جوز ماجنت ابين هذا الشي بس صدكيني احبج. ومااريد بس احسج بجانبي وبنتي الاحبها وتحبني ليلى : شكد ماجنت اكول اني حايرة ومشوشه بعلاقتي ويه ابويه بس من سمعت كلامه. ماحسيت بروحي من بديت ابجي. شكد مااكول مااحبه يبقه ابويه ويبقه امنيه طفولتي انو اشوف ابويه يحبني ويدللني كل جدران الكبرياء والقسوة الجنت ابنيهن تهدمن بلحظتها ونهاريت بحظن ابويه. وعيوني تجري دمع. وشهكات بجيي وحدة تتبع اللاخ ****** منسه بعد اقل من اسبوع ويبدي الدوام لازم احجي ويه استاذ غسان علعمود الدوام وشلون راح يرتبه رحت علعمود كم ملف يحتاجهن الاستاذ ليث. وبصدفه شفت استاذ غسان فكلت هل لستغل الوقت فسلمت عليه وحجيت وياه عله الدوام وهو كال لاتخافين اني ادبرها وبقه يسولف عن الشغل واثناء الحديث ضحكنه اني وياه فجاة سمعت صوت. يحجي بقسوة وغضب ليث: اعتقد تعينتي بهذي الشركه حته تشتغلين مو تكعدين ودگين سوالف يله لشغلج منسه: ماممكن احد يكدر يتخيل الفشله اللي صرت بيها بعدها مباشرة اعتذرت من استاذ غسان ورجعت الشغلي بس بقيت احس الدمعه معلكه بطارف عيني ******** ليث جنت هستوني جاي للشركه وشفتها واكفه وتضحك ويه غسان بهذيج اللحظه حسيت بركان بداخلي ماحسيت بروحي اله واني اعيط عليها وارزلها وراها رحت لمكتبي وبقت شاغله بالي ليش. وشلون مااعرف بس الاعرفه مااريد احد يشوف ضحكتها غيري ************* منسه بدة الدوام وتنظم جدولي صار دوامي من 1 لل4 العصر يوميه ماعدا يوم السبت. يكون الدوام من 8 الصبح لل4 العصر وراتبي صار اقل لان ساعات دوامي صارت اقل بديت اداوم وبدت المحاضرات والواجبات اني وصديقتي رنا دائما نكعد بالكافتريا او المكتبه نكعد نشاقه ونسولف حقيقه طلاب الجامعه مع الاسف مو الكل تكدر تثق بي اكو يبينون نفسهم ماكو احسن منهم بس من تعاشرهم راح تشوف شكد يكذبون وشكد هم مصطنعين بدون ذكر اللي ينافقون وينقلون الحجي واللي يحبون المشاكل وكومه نماذج من اللي ينطبق علسهم المثل ((بالوجه مرايا وبظهر سلايه )) بس اكيد وين مانكون. اكو اختلافات واكو الزين والموزين والحمد لله. التقيت برنا اللي هي صديقتي الوحيدة بالجامعه نكعد سوة نسولف سوة صحيح مااحجي الها عن حياتي الخاصه لان شكد مااحبها بس مااكدر اثق بيها واحجيلها عن حياتي فديوم اني ورنا جنه بالنادي مال الجامعه وجاي ناكل ونسولف فكلت لرنا منسه: رنا اني راح اشتري عصير واجي انتظريني من كمت حته اشتري جاي امشي ومااحس اله. شي طخ بيدي ونجب عليها فحجيت بعصبيه منسه : شنو هاي غير تنتبه شمالك انعميت ،،،،، شلت راسي وشفت يتبع ............. ★★★★★★

Free reading for new users

Scan code to download app

App Store Google Play

Facebookexpand_more