بارت 13

1211 Words

**ر القيود « عيون الملاك » ★★★قراءة ممتعه★★★ أنه المطلوب .. وأتكفل وانه المالي خلك للنسمة وأتحمل وانه المالي ذنب وي الهوى اللي يفوت بس گضيت عمري اعتذر وأتوسل البوجهي شخص مرتاح بس بداخلي معلعل عمر ماشفت راحة .. ولا انگالت يوم .. علية كلمة مدلل .. كافي کافي أتنفس الغيري. وأدلي الضايعين وآنه ما أندل ★★★★★★ منسه شلت راسي وشفت ولد شاب كتله منسه : شنو القصه خويه غير تنتبه الولد : عذرينه عيني ماشفناج ،، وغمزلي. وبقه يضحك رجعت لرنا واني اكول شبي هذا تخبل الله يسترنه منن هيج ناس برة شويه نفس الولد اجه كعد قريب منه اني سويت روحي مامنتبه وخلصت اكلي بسرعه وكتلها يله رنا رنا : بس اوكفي دقيقه اريد اكل منسه : لعد اني اروح قبلج من تخلصين لحكيني ...وكمت طلعت من النادي. لاحظت الولد اللي ض*بني. صار يمشي وراي بعدين صار بصفي خله ورقه عله كتبي الشايلتهن وراح عاينت عله الورقه لكيت رقم راسن شلت الورقه وذبيتها بالزباله وكملت طريقي واني ادردم منسه : عايزني زواحف اني. ربي منين تجيبلي هيج نماذج ******************** ليلى مر شهر وابويه كل يوميه يجيني وكل يوم اكول اخيرا الدنيا ضحكتلي وحققتلي ولو شي بسيط من احلامي وامنياتي واخر اسبوع بدة يلح عليه حته ازورهم ويحاول يقنع بيه انو اخواني الصغار يريدون يشوفون ويريدون يتعرفون عليه بلبدايه جنت ارفض لان مااريد التقي بمرته ولا اريد اذكر السنه السودة العشتها وياهم بس بنفس الوقت اتمنه اروح اتذكر غرفه امي والحديقه الجانت تحبها واتمنه اشوف طيفها بكل ركن بهذاك البيت واخير شي ستسلمت وقبلت اروح وهسه احنه بطريقنه لبيت ابويه ابقه ساعتين وارجع ابو ليلى : وها اها وصلنه نزلي ليلى : نزلت من السيارة وبداخلي مشاعر شكد مااريد اعبر بس ل**ني يعجز عن التعبير احس الحروف كلها وگفت بلعومي ماكدرت احجي اي كلمه بس عيني جانت تدور بكل البيت الحيطان الباب الشجر اليابس بعد مانهمل بموتت امي. الشبابيك كلشي بالبيت من شفته حسيته بلا لون مابي حياه ولا احساس مجرد حجر وبس كطع عليه صفنتي وتاملي بالبيت ابويه وهو يكول ابو ليلى : يله ليلى طبي ليلى : طبيت واتفاجأت بالاستقبال الحلو من مرة ابويه ماممكن اوصف الكلمات الحلوة اللي استقبلتني بيها ولا شلون كل ساعه مقدمتلي شي وتكول الجهالها هاي اختكم روحو بوسوها وكومه حجي حلو بحيث شفت انسانه ماتشبه ابدا.الانسانه اللي الاعرفها هذيج جانت قاسيه ومايوم كالتلي كلمه حلوة وكل حجيها جان غلط وفشار عليه بينما هذي الكبالي. كل الكلام الحلو كالته هذيج ماجانت تسمح لاي واحد من ولدها يتقرب مني بينما هذي هي تكللهم هذي اختكم وتقربهم مني شجاي يصير هنا !!!! هذا كل اللي خطر بعقلي وقتها بقيت يمهم ساعتين بعدين ماتحملت مااروح لغرفه امي كمت وكتلهم رايحه لمشتملنه القديم جاوبتني مرة ابويه بتوتر : هاا المشتمل موتدرين البيت صغير فاخذنه المشتمل وسويناه مخزن للغراض ليلى : جان بدي اتعارك بدي اعيط شلون تجرئو وحولوا بيت امي. لمخزن بس سكتت لان تعبت من كلشي حته من العرك وياهم هم اني وزوجوني حته يخلصون مني لنوبه اريدهم يحافظون عله غرفه لان ذكرى من امي ليلى : عفت كلشي ورحت للمشتمل القديم من دخلت دموعي وحدهن نزلن وبكل مكان اتخيل شي هنا امي كعدت هنا امي نامت وهنا جانت تسولف وياي هنا امي عاطت عليه لان وكعت الشكر بالكاع وهنا اول مرة أمي علمتني اسوي تمن وهنا جانت تنتظرني من اتاخر من المدرسه هنا جانت تكعد من تجي تعبانه من السوك كل ركن كل حايط جان الي ذكرى وياه ذكرى خلت كل جسمي يرجف اشتياق ووجع لفراق امي كل خليه بجسمي جانت ترجف وتبجي عله ذكريات عشتها ويه امي تعبت من كثر مابجيت وشفت الساعه تاخرت فقررت ارجع اكيد الشيخ حاكم خاف عليه لان كتله مااتاخر طلعت من المشتمل واني تعبانه ومنهارة نفسيا رحت حته اكول لابويه يرجعني وجان اشوفه واكف ويحجي ويه مرته وهي تكله هااا شصار كتلها لو بعد وجان اشهك من سمعت ابويه يكول ابو ليلى : ...........! ******** ليث جنت كاعد بمكتبي والافكاار تاخذني وتاليتها ترجعني صورتها اللازكه بجفني للواقع كلما اغمض اشوفها كلما احلم اشوفها صؤت اراقب كل حركه كل ابتسامه مرات اكول شنو السحر السوته الي بحيث مااغفه ليلي اذا مااتذكر تفاصيلها قد تكون قريب الجسد مني ولكن قلبك القاسي بعيد. احاول لمسه احاول الهمس له احاول واحاول ولا ياتيني سوى الصد مااقسى قلبك ياشريان قلبي !!! _بقلمي _ ********** منسه مرت فترة وهذا الولد دائما لاحكني حته بديت اضوج بس حاولت اتجاهل واكثر من مرة يتعرضلي كل ظني جان اذا تجاهلته يتركني بحالي ماتوقعته شيطان بهيئه انسان وممكن يكون سبب بمصيبه توكع عله راسي وبسببه صار اللي ماجنت متوقعته ابد!!!!!! ************ ليلى سمعت ابويه يكول ابو ليلى : لا ماكتلها خااف اذا اكللها هسه تكول صالحني لخاطر الفلوس زوجته : عله اساس جذب هو انته ليش صالحتها غير تريد فلوس لخاطر تسدد الديانه ابو ليلى : هو صح صالحتها لخاطر الفلوس بس قاطعته وهي تكول زوجته : لا بس ولا غيرها. احنه صالحناها لخاطر الفلوس ناخذ فلوس وبعد هاهيه لا نريد نشوف وجها ولا نسمع صوتها . ليلى : ماممكن اوصف احساسي كابوس صارلي سنين اشرد منه وهسه صار گبالي ليلى كافي تنخذلين يوم بعد يوم كافي تنجرحين انتي مو ضعيفه ولا مهزوزه انتي قويه وراح توكفين عله حيلج وماتخلين احد يستغلج بهذيج اللحظات جانت هاي الكلام هي اللي تواسيني وهي اللي تدفعني حته اتقدم ليگدام وكافي اعاين ليورة بعدها رجعت للبيت وبالي شي واحد اقوي نفسي. واحقق احلامي واول شي راح ابدي بي هو دراستي كمشت الكتب وبقيت اقره مر شهر واني مكطعه روحي من القرايه حته اذا اشتغل خاله الكتاب واقرة بحيث كمت اغسل امواعين واني اقرة بالقصائد اللي بالادب ومرات اكنس واني اقرة تعاريف خلال هذا الشهر صار تعاملي بااارد بشكل ويه ابويه لحد ماهو مل وكلي عله الفلوس اني المصرف اللي جان ينطي الي قيس جنت اضمه وابد مااصرف لان لا عندي طلعه ولا شي وشحتاج جان يوصلني فلميت كل العندي وانطيته لابويه. وبعدها راح ومااجه قبل اسبوع لكيت ص*ريه وقميص جديدات مخلولات عله الجربايه عرفت قيس جابهن لان هو جان بلبيت عرفته خلاهن وراح التحق حيل فرحت بوقتها مو لشي واني احساس انو اكو شخص يهتم بيك حته لو مايحبك المهم اهتم ليهسه اتذكر من جنت اداوم بالمدرسه شلون ابويه جان ياذيني ومايوم اشترالي شي ودائما يدور حجج لان يريد يبطلني بس امي جانت توكف بوجهه وتكله بنتي اني جلي اصرف عليها خليها تشوف مستقبلها باجر اول امتحان الي صح متوترة بس واثقه بروحي لان قريت بشكل مو طبيعي شويه وسمعت شيخ حاكن يصيحني. نزلت وكتله ليلى : ها شيخ صحتني شيخ حاكم : اي بويه ،، باجر ان شاء الله اول امتحان الج. ،،واريدج تشدين حيل اعرفج سبعه وماتحتاجين توصاه ديري بالج عله روحجوجاوبي زين واني كل يوميه اوصلج للامتحان بس هاا اريد معدل زين حته هديتج منتظرتج اذا نجحتي بمعدل مرتب مثلج شتامرين اني انفذلج هديه لنجاحج ليلى : مايامر عليك ظالم شيخ اذا اكول احب هذا الانسان اكثر من ابويه فاني مااجذب محد ممكن يصدك شكد اعزة واحترمه من يوم طبيت لهذا لبيت وليومنه هذا مايوم صاحلي غير بنيتي او ليله دوم يرفع معنوياتي ومايوم كلت شي اذا ماابتسملي وشجعني وحته من اغلط. دائما يكعدني بصفه ويبتسم ويبقه يحجيلي قصص عن ايام قبل والها ربط بغلطي بحيث يحسيني اني غلطانه بدون ما يجرح مشاعري وفوك هذا كله هسه راح يتكفل بروحتي وجيتي دائما اكول بداخلي ربي حفظة وطول عمرة بدونه كلنه نتيه مرت فترة الامتحانات توتر وقلق وحته بعد ماخلصت بقه القلق مصاحبني حته باحلامي كمت اشوف روحي راسبه واكعد من الحلم ابجي لحد ما اجه يوم النتائج واني عله گولتهم خاله گلبي بقوطيه لحد ما اتصل قيس بالشيخ حاكم وكله قيس : ............... يتبع...... ★★★★★★

Free reading for new users

Scan code to download app

App Store Google Play

Facebookexpand_more