بارت 20

1265 Words

**ر القيود «عيون الملاك » ★★★ قراءة ممتعه ★★★ شلون ما تعرفني أحبك ،؟ سري مفضوح إعله دیره ! وشلون ما شايفني وآني من أوصف بيك أكلهم " کلش عيونه چبيره " ★★★★★★★ منسه ماانكر خوفي وتوتري من خطبه ليث الي بس فرحتي بان الشخص الحبيته خطبني هي السيطرت عليه وخلتني اوافق بلغت خالي بموافقتي وهو انتظر يوم بعدها اتصل بليث وردله جوابي وحددو گعدة زلم وقرايه للفاتحه بعد اسبوع بدينه نحضر ومرة خالي مخبوصه بالتحضيرات وتصرف كومه بحيث اكثر من مرة سئلتها منيلج فلوس وهي تتهرب لو تكلي خالج انطاني واني متاكده خالي ماعندة هلكد فلوس لحد ما جبرتها تحجي وكالت ليث منطيها مبلغ وكايللها هذا لل*قد جهزو نفسكم حيل انقهرت وفشلت لان المفروض ال*قد عله اهل البنيه والعرس عله اهل الولد بس مااكدرت احجي او ارفض الفلوس لان اعرف الحاله الماديه لخالي ومستحيل يكدر يدبر فلوس وفوك ماصارله سنين متكفل بيه اجي انوبه اتشرط عليه وا**ر ظهره بتكاليف عقدي اجه يوم ال*قد واني كل ذرة بجسمي ترجف خوف من المستقبل وارتباك وتوتر الجهال جانو اكثر شي فرحانين وهوستهم ملت البيت بعدها اجت سيارات ملت الفرع كله ونزلوا منها شيوخ و شخصيات وحته رتب عسكريه حيل انصدمت ماتوقعت هلكد جنت اتوقع يجي هو وكم واحد من عمامه والشيخ الكال عنه هو مربي وبس ماتوقعت كل هاي الناس يجيب النسوان من شافن كل هاي الناس اجن بدة حجيهن بيهن اللي بقت تحسد وبيهن البسمرت عود شجاب هيج واحد متمكن النه واحنه مستوانه المالي ضعيف. وبيهن اللي دعلي بالتوفيق بعدها تعالت اصوات الهلاهل ونطش الجكليت عليه وشويه وكالوا الشيخ يريد يعقد اخذوني قريب من باب الاستقبال لان هم جانوا بالاستقبال موجودين بدا الشيخ يعقد حسيت بمغص بطني وخوف وتوتر وجسمي سرت بي رجفه مااعرف ليش هل خوف سيطر عليه حاولت اهدء نفسي شويه وصل لجمله قولي نعم وانت وكيلي وهنا بدت نظرات عينه تنرسم بمخيلتي طوله وملامحه وكلشي بي ومن جهه لاخ توتري منه والغموض اللي احسه محاوطه اخير شي حبي واعجابي تعلبن عله كل خوف بگلبي وطلعت الكلمه بلگوة من حلكي وكتله نعم انت وكيلي وبدت الهلاهل تعله والجگليت لحد ما شويه و كالو العريس يريد يلبسها الذهب دخل ليث وجانت عيونه محاوطتني جان لابس قاط اسود وقميص ابيض. جان شكله هو اختصار لكلمه اناقه وجمال كل الكلمات تعجز توصف جماله جانت ملامحه عاديه وماواضح عليها شي بس شفت لمحه فرح بعيونه بعدها انطو الذهب حته يلبسني تقرب مني لدرجه انفاسه طخت برگبتي ورسلت رعشه متدت من اطراف شعري لاصابع رجلي ليث : المن هاي الرجف يا عيون ليث ونفس ريته منسه : الحمرة اخذت راحتها بوجهي وحسيت عبالك راح اموع من الخجل ،، اول مرة بحياتي شخص يكون قريب مني لهاي الدرجه لا ويتغزل بيه هم بعدها استمر يلبسني قطعه ورة اللاخ لحد ما خلص وباس راسي وطلع خلال هاي الفترة الهلاهل ابد ما توقفت والهوسات كانت مستمرة وبوسط كل هاي الفرحه والاجواء جان اكو غصه بنص گلبي غصه فقدان امي وعدم وجودها غصه انو ماكو ام تهدئني وتباركلي واشوف الدموع والفرح بعيونها بس كله ارادت الله ولا اعتراص عله حكمه انتهه ال*قد واتفقنه الحنه والعرس بعد 3 اشهر نجهز بيها نفسنه اللي عرفته من ليث انو هو مقرر يبقه فترة بعد الزواج بشقته ووراها ننتقل ونعيش قريب اهله وخوانه اللي عرفته من خالي انو اللي اجو لل*قد هم اقارب اله وشيخ عشيرته والشخص اللي رباه ومجموعه من اصدقاءة وصديقه قيس اللي حجه عنه وجايب وياه ضباط ورتب لان هو بالعسكريه بس مااجاب سيرة اخوانه وهذا الشي بقه شاغل بالي بس كلت بعدين اسئله مرت الايام بعدها وبديت احس بمشاعر اعمق ليث حبيت اهتمامه بيه بحيث كل يوميه الصبح يطلب اكل للشركه وما يقبل ياكل اله اني اكل ويوصلني للجامعه وياخذني بنهايه الدوام وكل نهايه اسبوع يتصل بخالي ويطلب منه نطلع اني وياه وياخذني وييشتريلي ويفررني الموضوع مو موضوع شرايه وفلوس وانما اهتمام وهذا الخلاني اعشقه ليث الاعجاب البسيط اللي جنت اشيله اله صار عشگ وهيام كمت احبه واخاف عليه من الهوة اذا طخه واغار عليه بحيث احسس براكين بداخلي اذا بنيه تقربت منه وهو ما عايزة جمال نص بنات الجامعه سحلن روحهن عليه من شافنه وهو يوصلني وخوب موظفات الشركه من درن بخطبتنه لو بيدهن سجاجين جان كطعني وصل والنظرات لو تقتل جان اني. هسه بالفتحه الخامسه من ورة نظراتهن. وخاصه الاسمها شمس حسيت عبالك بايگه ورث ابوها وحته بعد ما درت انخطبنه حسيتها عبالك كامت تحاول تتقربله اكثر كل ساعه جايه للمكتب وتكله استاذ ليث ممكن رئيك بهذا المقترح اوستاذ ليث ممكن توقع هذا المستند اوستاذ ليث ممكن رايك بهذي الفكرة وبقت هواي تحاول واني بكل مرة اشب نار وانطفي بس المصبرني هو معامله ليث وحبي اله لحد ما فديوم جان هستوة ليث موصلني من الجامعه للبيت فوصلت للبيت واني فرحانه وادندن ماريدك بعد روح ولا حبك بعد روح وجان تجي رساله للموبايل توقعتها ليث. فرحت ركض وجان اشوف رساله من حساب عله الفيس اسمه فاعل خير فكيتها وجان مكتوب بيها مب**ك الخطوبه بس مع الاسف حلوة مثلج اتورطت ويه حرامي ونصاب مثل ليث هاا انصحج لا توگلين ليث لان اكيد راح ينكر فاعل خير اول ماقريتها خفت بس بعدين كلت اكيد هاي وحدة جوز جانت تحبه وتريد تتخرب لان سامعه هواي قصص هيج فقررت مااصدك وابقه واثقه بليث بعدها مرت الايام وكل فترة تجيني رساله ومضمونهن حجي عله ليث وانو اني لازم اكشف ليث وابتعد عنه وانفصل. وكل حساب بعد ما يدزلي الرساله اول مااقراه قبل مااجاوب ينلغي الحساب بحيث مااكدر ارد عليه بقت هاي السوالف شهر تقريبا لحد ما مليت وكلت اكول ليث حته يخلي حد لهذا الموضوع بس جنت متوترة اكيد راح يحجي عليه لان ما كلتله من اول مرة بس شجعت روحي واتصلت بي وكتله اتصل بخالي وكله باجر برة الدوام تريد تطلع وياي لان اكو موضوع مهم لازم احجي بي وياك باجر ******* قيس زواجي من ليلى جان اجمل شي صار بحياتي اخيرا حسيت باحساس العائله ودفوها كلشي جان حلو بيها هدوئها شقاها برائتها ضحكتها كلشي جان زين لحدما بدة كابوس الماضي يرجع لحياتي امي اي امي هي كابوس الماضي امي اللي شمرتني وما يوم سئلت عليه هسه بدت ترجع لحياتي جنت بالمقر عدنه واجب ودك تلفوني رقم غريب جاوبت وجان اسمع صوتها وهي تكول ام قيس : يمه قيس وليدي قيس بغصه وصدمه : قيس مات بيوم الشمرتي ،،، شرايدة هسه منه ام قيس بدموع : لاتگول هيج يمه قيس بعصبيه : شنو الما اكوله هااااا انتي شمرتيني وشفتي حياتي شجابج هسه ام قيس بجي : اني راح امووت ،،، مااريد امووت واني بعيد عني قيس : انتي ميته الي من سنين ،،،، وبعد لا دگين عليه وسديت الخط وهاي صارلها اسبوع ادز رسائل وتتصل مااعرف شنو احساسي صح مقهور عليها لان تركتني وحته ما كلفت نفسها تسئل عليه بس بنفس الوقت هااي امي مااكدر اعوفها بمصيبتها العرفت هي بيها سرطان وخايف هسه عليها وبنفس الوقت مااريد اتعلق بيها من جديد وتاليتي افقدها من جديد ..... ***** ليث اتصلت بيه منسه وكالت باجر اريد احجي وياك بموضوع مهم اليوم البعدة اخذتها من الدوام ووديتها المطعم قريب ليث : شنو الموضوع المهم منسه منسه : قبل فترة ،،، وبديت احجيله عن الرسائل بالبدايه صار عصبيه لان ما كتله من اول مرة بعدها هدء وكال شوفيني ياهن شوفته الرسائل و كتله اني ما مصدكتهن بس اريدك تبررلي شغله وحدة ليث : شنهيه منسه : هايه ليث : مديت ايدي حته اشوف شنو التحجي عنه منسه وجان انصدم يتبع …… ★★★★★★

Free reading for new users

Scan code to download app

App Store Google Play

Facebookexpand_more