بارت 19

2205 Words

**ر القيود « عيون الملاك » ★★★قراءة ممتعه ★★★ يضمونج أهلج بس الي ومن أحجي أحجي بزودي ردتج مريتي وعاندت تدرين بيه عنودي وخلفه عمامج من تجي گلیلهم وحده ومشت والرايد يضوگ العنب لا يوصل لعنگودي ★★★★★★★★★★★ ليلى جان قيس كاعد فكعدت يمه وكتله ليلى : قيس اتخذت قراري واني موافقه اكمل حياتي وياك ،،، كلتها واحس وجهي راح يطك من الخجل ،، قيس جان اكثر شي يناسبني اول شي اني احبه اي من قبل احبه ومعجبه بشخصيته ،، ثاني شي قيس انسان نادر صعب الوحدة تلكه مثله متفهم وحنون وطيب والسواه كل هاي السنين كان اكبر مثال قيس : بعد ما كالتلي جوابها طرت من الفرح وماحسيت روحي واني شابگها وبستها من شفتها ،،، حسيت جن عطشان هايم بالصحراء من سنين هسه ياله رتوه طفت نار گلبي وشبت نار اقوة ماتحملت ابقه قريب عليها مباشرة نهيت البوسه وخليت گصتي عله كصتها وخشمي عله خشمها وكانت شفايفنه مقا**ه لبعض بحيث اشم انفاسها وهي هم عاينت بعيونها الم**رة وحجيت وياها بهدوء وهمستلها عبالك عصفورة واخاف تطير مني قيس : حظري نفسج ،، نروح لكربلاء نزور ،، لان اني ناذر اول ما نبدي حياتنه الجديدة وزواجنه نتمه هناك وكمت و طلعت ليلى : كلشي صار بسرعه بسرعه ،،،شفته الاخذت شفتي برحله لعالم اول مرة ازوره جسمي الفقدت كل السيطرة عليه ،،،حسيت نفسي بغيبوبه مااكدر احجي او اتحرك بس اسمع ،،،سمعت الحجاه وحس مو گلبي وانما كل خليه بجسمي تنبض اله ،،، بعدها كمت. وحضرت جنطه النه بيها هدوم الي واله. وكم شغله هم واخذت شويه كيك وكليجه وبعد حلويات جنت مسويتهن قبل فترة ،، هاي اول مرة اسافر اني وياه بس اصلا هاي اول سفرة الي من سنين اخر مرة سافرت او زرت بيها جانت ويه امي من جان عمري 10 سنين ساعه ونص بعدها اجه وكمش ايدي قوي وطلعنه سوة للسياره هو شال الجنطه وحافظات الحلويات وبقه يشاقه وياي ويضحك قيس : هههه من اكول ام بيت وشاطرة هم احد يجرأ ويكلي لا ،،، اليشوف هاي الحافظات يكولون رايحين للربع الخالي مو للزيارة هههه ليلى بخجل وارتباك : يعني ارجعهن قيس : لا ياعيوني وحياتي ويغمزلي جنت اتشاقه وياج ،،، عاشت ايدج والله يحفظج الي حته تشبعيني حلويات ولو انتي كلج عله بعضج حلاوة بعدها طلعنه بالسيارة وبقينه طول الطريق قيس يسولف ويضحك بيه. اول مرة نحجي سوة لهلدرجه حجالي عن شغله وعن طفولته وشلون جان هو وصديق اله اسمه ليث شلون جانوا يض*بون الجهال اللي تبوك من بستان شيخ حاكم وشلون جانو يتعاركون بالمدرسه بعدها سولفلي عن الجيش وعن تدريباتهم واني جنت مندمجه وياه وكل ساعه اسئله عله شي وهو يجاوب. وبعدين يكوم هو يسئلني واني اجاوب باختصار جانت احله لحظات عمري واجملها ،،، لدرجه تمنيت طول عمرنه نبقه هيج بعدها وصلنه لكربله جان وقت غروب من دخلنه صلينه بالامام وزرنه بعدها دخلت للضريح ومرت بكل جسمي قشعريرة من الخشوع والاجواء الدينيه والمقام الطاهر كمشت الشباك وصرت اشكي للامام كلشي طفولتي وزواجي وكلشي وبللاخير دعيت الامام انو يوفقني بزواجي ويبعد عني كل مكروه ويحفظلي قيس والشيخ حاكم هذا الانسان اللي كل الكلمات تعجز عن وصفه قيس : طول الطريق نسولف ،،،شكد ماجنت احبها صرت احبها اكثر عفويه وبريئه وحنونه كل ساعه مطيتني شي حته اكله خاف جوعان خاف عطشان بعدها وصلنه وصليت وخليتها تدخل لقسم النساءواني القسم الرجال دخلت للحضرة وتشكرت من الامام وكتله سيدي ومولاي جيت حته اوفي نذري قبل سنه اجيتك وطلبت منك تهديها الي وتنطيني القوة حته اعترفلها ومارديتني خايب وهذا اني جبتها وياي البسها حلقتي بضريحك بعد مازرنه ولبستها الحلقه بالضريح وطلعنه. من الامام اخذتها لفندق وحجزت غرفه النه ليومين،،، بعد ماخلينه الجنط ورتبنه كلشي نزلنه حته ناكل،، والحلو بيها ماتتطلب ابد بس ادري بيها تريد بس تستحي لهذا اني كمت اشتريلها ،،، اشتريتلها جبس وموطه ولفات و بعدها وكف*ني وكالت نشتري هديه لابويه الشيخ وبقينه نفتر لحد ما لكينه سبحه كلش حلوة وفخمه بشكل اشتريناها اله ،، واني جبىتها تشتري لروحها شي فشترت شال حلو وجادر صلاه مزخرف وشترت الي ساعه كلش حلوة بالبدايه ماقبلت اشتريد كتلها مااريد اني بس هي اصرت وشتريتها ،،، فرحت اني وشتريتلها گلادة كلش حلوة فضه وبيها شذره كريستال شكلها كلش انيق وناعم اشتريتها وضميتها بجيبي من جانت تشتري الجادر مال الصلاه ،،، رجعنه للفندق اول شي ضمينه الغراض بعدين تقربت منها قيس : خلينه نصلي ركعتين حته الله يوفقنه بحياتنه الجايه ويكتبلنه الذريه الصالحه ليلى : صلينه اني وياه ،،، وكل اللي مسيطر عليه هو الخجل والخوف بعد الصلاه تقرب مني وباسني وبقه يهدي بيه ويطمني وشويه شويه حسيت مثل التخدرت ومااحس بجسمي ونمزجت انفاسنه واتحدت ارواحنه و قلوبنه قبل اجسامنه قيس : مب**ك ،،، ياعمر قيس وحياته وباسني عله راسي ليلى بدموع : الله يبارك بيك قيس : انظري الي وغوصي في بحر مقلتي لتناظري حبك المرسوم في قلبي يااول امراة حطمت حصوني يااول امراه روت عطش قلبي اليكِ يا من خطت اسمها على قلبي اليكِ يا من اتمنى الموت بين غابات رموشها واتمنى الحياه بين نهر شفتيها يااول قصيدة خطها قلبي قبل يدي يااول اغنيه عزفها قلبي قبل فمي احبكِ ياسيدتي ليلى : دموعي بدن يصبن وحدهن ،، هذا هو حياتي ،، هذا التعويض الاجاني من الله عله صبري وعذابي ليلى : احبك يااول دگه كلب ليه من كعدنه الصبح لبسني كلادة كلش حلوة وكلي هاي هديتي الج اريدها ماتنزع من ركبتج ابد بعدها مرت باقي الايام جانن احله ايام بعمري شبعت زيارة بعدها رجعنه للبيت ومرت الايام اني و قيس متفاهمين بشكل بحيث اليشوفنه يكول متزوجين عن قصه حب الها اول ماالها تالي صرت اخاف عليه من الهوة وهو هم يخاف عليه ويغار بشكل حتع البستان ما كمت اطلعله ما يقبل اله اروح وياه (((( مُو دوم الوطن حيطان لو بٰـيبان مرات الوطن أنسان♥ ️))))) وبقت هيج ايامنه ماتخلو من المشاكل البسيطه بس دائما نحلها ماتطول ومرت هيج الايام لحد ما ******** منسه من بعد ما ساعدني ليث بديت الاحظ نظراته عليه وبالمقابل اني هم ما جنت اكدر اشيل نظراتي عنه عيني لا اراديا تروحله اذني بدون شعور مني تركز عله كل كلمه يكولها حلكه حته خطواته من يجي للمكتب بديت اميزها بدون مااشوفه اعرف هذا هو حبيت وتعلقت بكل تفصيل اله ،،، وبديت اشوفه اكثر من مرة قريب من الجامعه يعاينلي من بعيد وبس اشوفه يختفي انتبهت عله روحي صارلي ساعه صافنه وما مسويه شي من الشغل امداج منسه هسه شيخلصهن رجعت اشتغل وارتب المواعيد والاجتماعات واني اشتغل صار شخص فوكاي رفعت راسي وشفته استاذ ليث منسه : نعم استاذ محتاز شي ليث : بعد ما تخلصين شغلج ،، ابقي اريد احجي وياج منسه : تمام استاذ ،، راح واني بقيت افكر شيريد مني صار شهر من انحلت المشكله بقيت اشتغل بس عقلي كله يمه شيريد خلصت شغل ورحتله للمكتب دكيت الباب جاوبني ليث : تفضل منسه : خلصت شغلي استاذ حضرتك شردت مني ليث : كعدي منسه : كعدت واني منتظرة اسمع شيريد ليث : انسه منسه ،، اتمنه تنطيني رقم خالج منسه : وشتسوي بي ليث برفعه حاجب دلاله عله انو هو ما راضي عله سؤالها منسه : قصدي ،،، ليش حضرتك تريد رقم خالي مااعتقد اكو موضوع او شغل مشترك بينكم ليث : اتمنه ماتدخلين بهيج مواضيع اني محتاج رقمه تنطي الي او اجيبه بطريقتي منسه بغضب بدها تعاركه بس يبقه مديرها وخاف يطردها او يشد وياها وبعدين تدري بكل الاحوال راح يجيب رقم خالها المن العناد كتبته اله بورقه وكلتله منسه : تفضل ليث : يله اخذي راحتج منسه بگلبها شكد ما يحترم حته شكرا ما يعرف يكول ،،، لا وفوكاها يكلي اخذي راحتج يعني طردني بادب من المكتب طلعت من المكتب ورجعت للبيت وكل عادة مرة خالي بس شاف*ني بدت بالاسطوانه اللي ماتخلص مرة خال منسه : ناس دايحه وتفتر واحنه نخدمهم فوكاها حته فلوس ما ينطون ولا شي صدك لو كال المثل الاستحو ماتوا فوك ما ملفيهم تااليتها احنه نخدمهم وهم يشتغلون و راتبهم شكده وينطونه تفاليس ونوبه بدو يقللون منهن منسه : اعرف هذا الحجي كله لان هذا الشهر قللت المبلغ الانطي للبيت احتاجيت فلوس للملازم واحتياجات للجامعه فقللت الفلوس الانطيها الها وكتلها الشهر الجاي اعوضج بس شلون ترتاح لازم تحجي عليه منسه : خااله ،، الفلوس وكتلج الشهر الجاي اعوضج ،، والشغل ترة اني كله البيت عليه من التنظيف لحد الطبخ كله عليه بس الغدة لان ماموجودة انتي او البنات تسونه بعد ليش كل هذا الحجي مرة خال منسه : لا ونوبه فوكاها ترادديني وتطلعيني جذابه منسه : حشاج من الجذب خاله وعفتها وصعدت لغرفتي ،،،ادري بيها تريد بس حجه حته تتعارك واي كلمع احجيها تكلبها عليه فخل لسكت احسنلي اجه علوشي يمي وبقيت العب وياه واتشاقه مر اسبوع وكلشي هادئ خالي ما حجه ولا كال اكو احد خابرة لعد ليث شراد من رقم خالي خلص شغل الشركه ورجعت للبيت ولاول مرة مرة خالي ما تستقبلني باسطوانتها المعتادة بلع** جانت فرحانه و تضحك يمكن حته بيوم عرسها ماجانت هيج فرحانه الظهر وحنه عله الغدة عرفت سر هاي الضحكه والفرحه خال منسه : بويه منسه تدرين كل بنيه بالدنيا ،، مصيرها تزوج وتستقر ،، وهاي كبالج كل بناتي زوجن وستقرن ببيوت زلمهن ونتي حالج حالهن لازم تستقرين وتزوجين واليوم خطبوج مني والولد درة مال الله مال وجاه وسمعه صعبه تلكين مثله ،،، اني موافق عليه بس يبقه رئيج هو الاهم وانتي تعرفي للولد فاخذي قرارج وردي الي منسه باستغراب : منو هوه خال منسه : رئيسج بالشغل استاذ ليث اليوم اتصل بيه وطلب يلتقي بيه ومن التقينه طلب ايدج مني منسه : رحت لغرفتي واني ما مصدكه ،،، معقوله صدك يحبني وخطبني لو شنو ،، خايفه ومتوترة هواي احس روحي تايهه احبه اي ادري بروحي احبه بس خايفه لان مااعرف عنه اي شي غير اسمه وشغله ،، عائلته طبيعته تفكيرة كلهن شغلات مااعرفهن بقيت افكر بي لحد الصبح حظرت روحي ورحت للشركه لان عطله نص السنه ف*جعت اداوم من ال8 لل 2 الظهر رحت للشركه واني خجلانه وما اكدر اخلي عيني بعينه اجه للشركه وسلم وكلي برة الدوام تعالي اريد احجي وياج بقيت اشتغل لحد ما خلص الدوام ورحتله للمكتب ليث : بعد.المشكله الصارت الها بديت لا اراديا اروح للجامعه مالتها ابقه اعاينلها من بعيد وبس تشوفني اروح ،،، كل مرة اكول هاهيه بعد مااروح ،، بليوم البعدة رجليه وحدها تلحكها وعقلي يبرر ويكول خاف واحد يهددها او يستغلها من جديد لحد ما بدت عطلتها وهنا قررت اخطبها كافي سوالف مراهقه ماتناسبني هلسوالف فقررت اخطبها رحت وسئلت عنها وعرفت كلشي عن حياتها وعن عائلتها وشلون اهلها ميتين وخالها رباها حيل نقهرت عليها وحسيتها تناسبني جرحها قريب لجرحي ثنينه ما شابعين من حنان العائله ولا ضايكين دفوها ،،، فحجيت وياها واخذت رقم خالها بعدها اتصلت بي ورحت خطبتها منه باليوم البعدة كتلها من تخص شغل تجي لمكتبي فاول مادخلت للمكتب كتلها ليث : اكيد تدرين بيه خطبتج من خالج واكيد عندج اسئله وامور تردين تعرفيها فاني هنا حته اجاوبج وهم اسئلج حته نعرف بعض وتقررين شنو ردج عله طلبي منسه : الصراحه طلبك حيل فاجئني ،،، وجان مفاجاه الي لان ماتوقعت يوم ممكن اني وانت نكون سوة بس بما انو انت خطبتني فالصراحه عندي هواي اسئله اتمنه تجاوبني عنهن ليث : تفضلي منسه : اول شي اهلك قابلين بخطوبتنه ليث : ماعندي اهل منسه : شنووو ،،، قصدي يعني شلون ماعندك اهل ليث : امي ميته من زمان وابويه هم ميت وعمامي صارلي سنين ما شايفهم ولا عندي علاقه بيهم ،،، الشخص الوحيد اللي اهتم لرأيه هو الشيخ حاكم هذا الشخص هو الساعدني بحياتي واله فضل جبير عليه واني حجيت وياه وهو فرح حيل وكلي بس تردون الموافقه هو يجي يخطبج رسمي اليه فباختصار ماعندي اهل غيرة منسه : هاا فهمت ،، هم اريد اعرف اكثر عنك اخوانك خواتك حياتك باختصار احجيلي عنك ليث : ماعندي شي بحياتي مثل ماكتلج اهلي ميتين ،، عندي 3 اخوان من مرة ابويه بس صارلي سنين ما شايفهم ولا عندي علاقه وياهم بس جوز ببعد زواجنه تعرفيهم خوات ماعندي عندي صديق واحد حيل غالي عليه واعزة اكثر من كل اخواني ولو يطلب روحي انطيها اله بدون سؤال اسمه قيس غير هاي ماكو شي بحياتي ،،هسه انتي شنو طلباتج وشروطج منسه : اني مااعندي هواي شروط غير بس اكمل دراستي ،، واتوظف بعد التخرج ،،، ويبقه القرار الاول والاخير لخالي منسه : بقينه شويه نحجي هم بعدها طلعت من مكتبه واني افكر بي رجعت للبيت وبقيت اربع ايام بس افكر لحد ما خالي صاحني وكلي خال منسه : بويه منسه ،، شنو جوابج عله الولد مايصير نطول اكثر عليه ،،، هاي اكثر من مرة يتصل واكله بعدها جاي تفكر نطت مرة خالي من مكانها : موافقه اكيد وهم الها عين ترفض وين تلكه مثله شو يخبل جنه من هذوله الهنود اليطلعون بالافلام وفوكاها عندة خير من الله مو سئلت عليه وكلولك ابوه الله يرحمه شيخ معروف بفلان محافظة وهو عندة شركه وعقارات بعد عليمن التعزز خال منسه : اهم شي موافقه البنيه منسه : خالي اني ...... يتبع ……… ★★★★★

Free reading for new users

Scan code to download app

App Store Google Play

Facebookexpand_more