بارت 18

2045 Words

**ر القيود « عيون الملاك » ★★★قراءة ممتعه ★★★ اريد ابنيلي دنيه وبيدي اسويهه وستنكي الوجوه الزينه اخليهه دنيه مابيها كبور ولا بيها بشر مغدور اريدن بيها بس «« امي »» ★★★★★★ ليث اكثر شي اكرها بهاي الدنيا هو شخص يستغل المرءاة هاي المخلوق الرقيق مانخلقت حته تنظلم و الله خلقنا رجال حته نحميهن حته نسندهن حته نصير ظهر ودرع الهن ما خلقنه حته ن**رهن او نجرحن الله خلقهن رقيقات و الرسول وصانه بيهن خير ولقبهن ب((القوارير )) يعني هنه مثل الزجاج لازم نحميهن حته لا ين**رن لهذا من صار بلال بيدي مارحمته لان مو رجال اللي يهدد بنيه بشرفها او يستغل بنيه اول شي سويته طلبت من قيس يجيبه الي للمعمل القديم اللي هو معمل جنه قبل نشتغل بي بس المكان جان صغير. فمن تطور شغلنه غلقناه واخذنه مكان اكبر قيس يشتغل بالجيش وعندة معارف ورتب كومه يعرف فوصه كم واحد من جماعته يجيبولي بلال وماقصروا جابو للمعمل واكيد لازم اضيفه فضيفته هذيج الضيافه المعدله وماخليت شي بنفسه بحيث ولا عظمه بجسمه بقت سالمه حته يتوب ويعوف بنات العالم لان هاي مو اول مرة وهذا الشي عرفته من الملف الجابه قيس اني بوقتها طلبت من قيس ينطيني كل المعلومات عنه وقيس ماقصر دزالي ملف بي كلشي عنه ومن بين المعلومات عرفت هو مهدد اكثر من بنيه ومستغل كومه بنات قبل فهذا الض*ب حته يتعلم ويتوب عن هاي السوالف بقيت اقرة بالملف وعرفت كلشي عن بلال الملف كان بي اسمه وعائلتها وسكنه وشغله ومعلومات كامله عنه وعرفت هو شايف روحه بسبب فلوس اهله بس كل قوي اكو الاقوى منه ومايعرف اني اكدر بصفقه وحدة اخسرة كلشي لان اني وابوة بيناتنه شراكه من سنين وابوة واحد من اكبر معاميل شركتي واغلب بضاعته شركتي تص*رها اله وتستوردله المواد الاوليه والخامات اللي يريدها لان ابوة كان تاجر وعندة هواي معامل ومعتمد علهوشركتي بصورة كامله اذا وقفنه شراكتنه وياه راح يخسر هواي فلوس وحته ممكن يفلس اتصلت بابوه وحجيتله عن ابنه وشلون يهدد بالبنات وهددته اذا هدد اي بنيه راسن افك الشراكه بينه ابوة جان انسان اهم شي عندة الشغل ماكان عندي علاقه شخصيه بس اعرفه اهم شي عندة ارباحه وشراكته ويعرف كلش زين بدون شركتي يخسر فراسن بدة يعتذرلي واني كتله ليث: مبين التجارة والشغل لهاك بحيث ما لحكت تربي ابنك ،، فاني اليوم انقهرت عليه. فربيته الك شويه ابو بلال : اعرف ابني الغلطان والغلط راكبه من ساسه لراسه واني جاي اطلب السموحه منك وبقه يتعذرلي لحد ما بعدين سئلني ابو بلال : بس اريد اسئلك البنيه اللي هددها شتصير منك ليث احتاريت شكول بس بعدين كتله : اقاربي ،،، وحته لو مو اقاربي هم جان ساعدتها لان اليهدد بنيه مو رجال ابو بلال : صحيح ،، واعتذر منك هواي واذا تريد اجيبلك مشيه حته اخذ من خاطرك ليث : ما حاجه بس خل ابنك يتوب ويخلي الله بين عيونه ،،، ومثل ما يندك بعرض الناس الله يدزله واحد يندك بعرضه نهيت المكالمه وياه وبقيت عله هاي الحاله 3 ايام ثالث يوم رحت للشركه واول ماطبيت شفتها كاعدة ومن شاف*ني عبالك عدها حجي وخايفه تحجي ،، واعرف بيها تريد تعرف شصار فكتلها ليث : تعالي لمكتبي منسه : من صاحني عبالك صار عندي جناحات بسرعه رحتله صارلي 3 ايام راسي مايفكر بغير هاي القضيه واحس الهوى محبوس بص*ري ومااكدر اتنفس كانما جبل ونايم عله ص*ري طبيت للمكتب ليث : سمعي زين ،،المشكله نحلت ليش وشلون وشصار ماعليج مو مهم المهم نحلت وهذا بعد ما يتحارش بيج ابد بس انتي فتحي عيونج وانتبهي مو كل الناس يستاهلون الثقه منسه : الدنيا ماتوسعني من فرحتي حسيت الجبل الجان عله ص*ري كله تفلش بلحظتها حته العالم كله تغير بعيني اول مرة اركز بي بعيونه الجانن عبالك سواد الليل جايبي وحابسي بعينه لو بشرته السمرة لو شعرة العبالك فحم من السواد وبي لمعه ونعومه حته شعري مو هيج خشمه الجان متناسق بشكل عجيب ويه ملامحه بعدها راحت عيني لملامحه ووجهه حلكه وشواربه اللي محددة شفته من فوك قيافته واناقته وعطرة لا حته اسلوبه وطريقه كلامه ولهجته الجانت تختلف عني ،،، كلهن شغلات ماجنت اشوفهن او اشوفهن بس مااركز هسه لا كلهن ركزت بيهن صح جان عندي فضول اعرف شلون حلها بس مو مهم المهم نحلت طلعت من المكتب وكلشي بعيني تغير بديت اركز واشوف كلشي بعين مختلفه المكتب اللي جنت كل يوميه الصبح اتافف واتشكه منه لان احس روحي محبوسه بي ويه كومه ورق وملفات هسه كمت اشوفه بغير نظرة مااعرف افسرها بس عبالك شي غالي عله كلبي اول مرة اشوف واركز بكل ركن بمكتبي وانتبه عله ترتيبه وعله الميز والكرسي. وانتبه عله بنايه الشركه وترتيبها والد*كور الانيق الجان يطغه عله كل المكان سواء من برة او جوة ثنينهن جانن رمز للذوق والابداع بعدها طلع الاستاذ ليث من مكتبه وكلي ليث : كوب الكهوة اخذي من مكتبي اني مستعجل هسه فما كدرت اشيله منسه : تمام استاذ دخلت لمكتبه و ركزت بي لاول مرة مكتب اسود ت**يمه تركي ويلمع من النظافه فوكاه مثل الحافظة بيها اقلام مرتبه وبرة الميز كرسي اسود جلد دوار يكعد عليه المدير وبظهر المدير شباك جبير ويطل عله الشارع اللي يقابل الشركه ويغطي الشباك بردة من النوع اللي ممكن رفعها وتنزيلها وكانت مخططه بالاسود والابيض بالجانب مثل المكتبه صغيرة بيها اكثر من رف الرفوف اللي بالاسفل جانن وثائق وامور خاص بالشغل اما الرفوف الفوگ فكانن كتب مختلفه بعدها صار نظري عله حيطان المكتب البيضه والنبات الظلي الموجود بزاويه المكتب كلها تفاصيل ماكنت انتبهلها وهسه عبالك غواش ونشال عن عيني تقربت حته اخذ الكوب مال الكهوة وصارت ريحه رجاليه بخشمي جانت ساحرة واخذتني لغير عالم جانت هاي ريحته للمدير اعرفها زين كل يوم اشمها بس هاي اول مرة احس بيها بكل خليه بجسمي اول مرة احس گلبي جاي يدك اول مرة ينهش داخلي مشاعر غريبه شكد مااريد احجي عنها ما راح اكدر اعبر عنها عبالك من غير كوكب والمشكله عرفتها لهاي المشاعر اي هو هذا الحب يلونلك عالمك كله وهاي اني وكعت بي بس شنو النهايه راح افرح لو اكطي عمري بگلب مجروح (( ان لم ترهقنا الاحداث ،،، فسيرهقنا التفكير فيها )). ******* ليث بعد ماحجيت وياها وطلعت بقيت افكر اني ليش غرت ليش احتركت بداخلي ليش جاي افكر بيها واسمع بتركيز وانتباه كل كلمه تطلع من حلكها عبالك التكوله اهم شي بالعالم ليش اتاملها واتامل ضحكتها وابتسامتها وهدوءها عيونها التجذبني مثل المغناطيس لو حلكها المرسوم رسم لو ملامحها ووجها البريئ واللي قطرة مكياج مابي عرفت روحي حبيتها. لا عشكتها قررت كافي اتجاهل مشاعري اني حبيت وراح اخذ الحبيتها والليث ما يعوف لبوته ((تعثرت بعينيكِ ،، فسقط قلبي ❤)) ****** ليلى گعدت من النوم واني احس راسي راح ينفجر شنو هذا الوجع اخخخ عاينت اني بغرفتي شويه شويه بدت تجيني الاحداث واتذكر شويه شويه ماما جانت مريضه وقيس ازوجني بس لخاطر امي ماانكر انقهرت حته احس گلبي نجرح مهما يكن احس روحي بلا قيمه عبالك ثگل ونذب عليه ،، بس بنفس الوقت گلبي الغ*ي فرحان وفخور بنفسه واختياره يگول اني حبيت زلمه من ظهر زلمه جان يكدر يستغلني واني زعطوطه جان كلشي راد سويتله بس هو حافظ عليه وماراد يستغلني رادني اختار اي گلبي الغ*ي حباه شوكت ماادري بس كل الاعرفه من اشوفه كبالي كل ذرة بجسمي ترجف شوگي اله من يغيب من يروح للواجب ابقه منتظرته و يوم يوم احسب حته يرجع حافظة يوم نزلته والتحاقه من اسمع اسمي بل**نه احس گلبي يرجف حته طوله ونظرة عيونه وعطرة و صوته ونبرة ضحكته وسؤاله عني كلها تفاصيل حبيتها بي كمت من الفراش ونزلت جوة الشيخ حاكم بهيج وقت بالمضيف اكيد وقيس مادام نازل من الواجب فيبقه كاعد ويه الشيخ بالمضيف نزلت للمطبخ ماعندي شي والقهر راح ياكل كلبي واني اعرف روحي اذا ابقه كاعدة اطك واموت من التفكير فكلت اشتغل شويه احسن فبديت اسوي كليجه كلت اهديها لروح ماما بديت اعجن خلصت وخليت العجينه شويه ترتاح رحت انظف تمر واني انظف طب قيس للمطبخ وشافني اشتغل اجه كعد يمي وكال قيس : بعد ماوديتها للغرفه نزلت جوه واني مرتاح لان كتلها ومتوتر لان مااعرف شراح تختار نزلت للمطبخ فتحت الثلاجه و لكيت كيك فطلعته وبديت اكل عاشت ايدها صدك طعمها طيب لهاي الكيكه بعدها بكم ساعه رحنه للديوان لان بهيج وقت يجون شيوخ يسولفون ويه ابويه الشيخ وبما انو اني بمثابه ابنه الجبير لازم اكون موجود واساعدة كعدنه بالمضيف وصار حجي فلان معتدي عله كاع فلان وفلان ماخذ من حلال فلان وفلان كاطع المي عن كاع فلان وكومه مشاكل. بقه ابويه الشيخ يحل بيهن واني اساعدة لحد ما بدو يروحون شويه شويه بقه كم شيخ فكمت اترخصت ورحت للمطبخ وشفت ليلى جاي اتسوي كليجه صدك ضحكت هاي البنيه ابد ما تكعد جنها فارة بس تتحرك منا و منا كتلها قيس : شنو بويه ولا تركدين هاي الثلاجه مليانه كيك وكعك وكومه حلويات المن التعب ليلى : هاي كليجه ثواب الماما وبعدين ماارتاح من اكعد ابقه افكر. هواااي. وبدون فايدة قيس : لعد براحتج ،، سوي اليريحج بس ليلى مو تنسين اريد جوابج اني كتلج عله كلشي ولاتعتبرين هذا تقصير او تعاجز مني انتي مرتي والتطلبي اوامر شتردين كولي اعرف هسه انتي حايرة وجوز ماتتقبليني لان اكو فوارق بالعمر بينه وتشوفيني رجال جبير وجوز مااناسبج ولا تفكيري مثل تفكيرج بس ثقي اذا اختاريتي تبقين وياي ما راح ابجي عيونج بيوم ولا راح اخليج تندمين لان وثقتي بيه هذا وعد عليه واذا اختاريتي تنفصلين عني فراح يبقه كلشي نفسه. بس راح اشتريلج بيت قريب علينه وراح كل شهر يوصلج راتب الج ،،، ففكري زين بقرارج ولا تفكرين انو اكطع الراتب او احاول اضغط عليج حته توافقين اني اريدج من توافقين يكون من كل كلبج ومثل ماكتلج اختاري اللي تردي. ولاتهتمين باي شي. اني دائما بظهرج حته لو ردتي تنفصلين راح ابقه دائما وياج انتي امانه برگبتي ليلى : اني ،،،قاطعها قيس قيس : مااريد جواب متسرع هذا القرار راح يحدد حياتج ومستقبلج ،، كعدي ويه روحج وفكري زين مرة ومرتين والف مرة ابقي فكري لحد ما توصلين لقرار واثقه منه وما راح تندمين عليه ابد ،،، وكمت منها ورجعت للمضيف ليلى : قررت اسمع كلامه وافكر من جديد كملت التمر وطبعت الكليجه بقوالبها ورتبتها بالصينيه و شويتها بعدها بديت اسوي العشه من خلصنه كلشي قدمتلهم الكليجه وبقه يمدحون بيها بعدها صار الليل و تمددت بفراشي و بديت افكر واتذكر كلشي واقارن بين حياتي قبل وحياتي هسه وافكر بحياتي مستقبلا اتذكر ابويه وانانيته لو امي اخخ يايمه وبين ذكرياتي اجه طيف ذطرى عله بالي اتذكرت بوقتها جنت صغيرة و جانو الجهال يلعبون بالشارع واني وياهم العب البنات دائما جانن يجن باحله ثوب عدهن وكل مرة يجن بواحد شكل اني ماجان عندي غير ثوب واحد للطلعه ماما مخيطته الي وجنت دائما اطلع العب وياهن بي صح جان نفس الثوب بس ماما دائما جانت تغسله وترتبه وحته ترتبلي شعري وتمشطه فيطلع شكلي كلش مرتب وحلو فد يوم وحدة منهن جانت تضوج مني وخبيثه بشكل ضحكت عليه كدامهن وبقت تحجي عليه و تستهزء بملابسي لان قديمات ودائما البسهن وتكول عليه مجديه بوقتها جانت اول مرة اتعارك ليهسه اتذكر شلون. كمزت عله البنيه وكطعت شعرها بيدي وخرمشت وجها وحته ثوبها الجانت تتفاخر بي شكيته الها بعدها امها اجت تعاتب امي وتكللها ليش بتج تخرمش بتي بوقتها جانت تعيط وتصيح عله وامي اعتذرت للمراة بيومها جنت خايفه لا انكتل بس ماما ماكتلتني وانما كعدت بصفي وبقت تسئلني ليش كتلتيها بنتي الحلوة ماتكتل احد بلا سبب كمت امجي وسولفتلها كلشي بوقتها وهي شبگتني وعيونها دمعت ومن وكتها كمت مااطلع اكثر من مرة ماما تريد تطلعني ومااقبل بوقتها عبالها صار بيه هيج لان حجو عليه بس مو صحيح اني كمت مااطلع لان ماردت ماما تبجي من جديد من ورايه ادري بروحي اذا اطلع اتعارك مسحت الدمعه من عيني اخخخ يمه اتمنه موجودة هسه وتشبگيني حيل مشتاقتلج مشتاقه لحنانج مشتاقه اكعد واسولفلج كلشي يصير ويايه مثل قبل مشتاقه اكل من طبخج وحته رزالتج اشتاقيتلها وراها نمت والدمعه عله خدي هي هاي حال الماعندة ام يمووت وهو عدل بقيت افكر بالموضوع 3 ايام وراها اتخذت قراري وماراح اتراجع عنه نزلت جوة وجان قيس كاعد بالهول كعدت يمه وكتله بارتباك ليلى: .............. يتبع ...... ★★★★★

Free reading for new users

Scan code to download app

App Store Google Play

Facebookexpand_more