بارت 17

1451 Words

**ر القيود « عيون الملاك » ★★★ قراءة ممتعه ★★★ "ثكلان" "ثكلان حته النفس ، موجدمي بس ثكلان وتعبان مو من حمل ، من الوكت تعبان بعيوني لمعه دمع ، ومنين ما التفت الكه العمر ذبلان والحيرة ما تنوصف ، لاجرحي طاب وتفض و لا ميت ، وخلصان " ★★★★★★★ ليلى اذا اكول گلبي وكف والدنيا كلها ظلمت بعيني فاني مااجذب لان هذا جان احساسي وقت السمعتهم يحجون انصدمت واتفاجات واني اسمعهم يكولون امي وعهد وامانه حاولت اجمع كلامهم. وافتهمه بس ماكدرت كلشي جان مخربط ماحسيت بروحي من شهكت و دخلت للغرفه وسالتهم وجوههم جان لونها مخطوف عبالك شافوا شبح او جني گبالهم ولاحظت ارتباكهم وبعدين حجه قيس وكال قيس: كعدي و سمعيني ليلى خليني اشرحلج كلشي ليلى بهستيريه واضحه عليها : مااريد اكعد ولا اريد اي شي بس اشرحولي شنو جاي يصير قيس مسح وجهه كمحاوله حته يهدء اعصابه وكال : ليلى اني راح اشرحلج قبل زواجنه بفترة اجت امج للشيخ حاكم واني كنت وياه الشيخ حاكم : يابه اني اروح وانته اشرح كلشي لليله بنتي ليله حالليني ووهابيني بس كل الصار لخاطرج. وانتي امانتي ليوم القيامه شنو تردين كولي وادري بيج جبيرة وواعيه. ففكري زين وقرري واني دائما بظهرج ،،، وطلع من الغرفه بقينه اني وقيس وماينسمع بالغرفه غير شهكاتي قيس اخذ نفس وكمل : امج هي طلبت طلب من الشيخ حاكم ليلى : اي طلب شتريد امي من الشيخ. وبعدين امي اصلا منين تعرف الشيخ قيس : بس صبري خليني افهمج واحجيلج الصار بعدين اشرحلج كلشي امج طلبت من شيخ حاكم يتكفل بيج وكلتله ام ليلى بدموع وشهكه بنص ص*رها : شيخ بنتتي امانه يمك ابوها ما يدير باله عليها ومرته حيه واكيد راح تظلمها وبنتي فقيرة وما تعرف شي عله نياتها واصلا اني متاكدة ماراح يتحملوها اقل من سنه ويزوجوها حته يخلصون منها ،،، وخاصه مرة ابوها صارلها سنه تنك تريد تزوجها لاخوعا وهو رجال جبير وعقيم مايخلف فادري الراح اكوله صعب ويعز عليه اكولها بس مايجبرنه عله المر غير الامر منه لو ما ادري بروحي مامطوله جان لا كلت ولا حجيت. بس شيخ بنتي امانه يمك يمه قيس ادري الراح اكوله يمكن راح اظلمك بي بس مابيدي شي اريدك تزوجها لبنتي حته لو بس عقد وهاهيه اهم شي ما ي**رون بختها ويزوجها لواحد عقيم وتاليتها يبقه ياهو الجاي كافخه ومستقوي عليها عبنها يتيمه وابوها ما يهمه شي غير ولدة ومرته ،،، اني گضيت عمري ياهو اليجي يستقوي عليه. عبني يتيمه وماعندي ظهر وبعد تالي عمري الله رزقني بليلى ونورت دنياي ولخاطرها صبرت عله المر بس بنتي يردون يحرموها من كلشي حته امومتها لهذا اريد اوصيكم عليه واعتبروني دخيله عدكم وانته شيخ ماترفض دخيلك ،،، يمه قيس اوعدني تحافظ عله بنتي. هاي امانه. برگبتك قيس : شنو هذا الحجي يمه ،،، التردي يصير. ومن هاي الرگبه وعهد عليه امانتج اصونها لاخر يوم بعمري ام ليلى : راح ابقه ادعيلك منا لاخر يوم بعمري الله يوفقج وينولك كل التريدة ويبعدك عنك اليردولك السوء واولاد الحرام وكون التراب التكمشه يصير ذهب بجاه غريب بغداد ،،،،جاانت تحجي وويه كل كلمه جانت دموعها تنزل. وشهكتها تعله محد يدري شكد صعب واحد يقدم بنته ويزوجها هيج هذا الشي جان يجرحها بس جان عليها تختار لو كرامتها لو مستقبل بتها قيس : بعد مااجتي امج وحجت وياي انه والشيخ براها بفترة ابويه الشيخ اتصل بيه واتفاجات من رحنه خطبناج لان بوقتها ماجنت مرتب اموري ولا ادري هيج توقعت بعد فترة ياله ومن رجعنه للبيت بعد خطبتج حجيت ويه الشيخ وجنت رافض الزواج هسه كلت سنه او اكثر وازوج لان لدري صعبه تزوجين وامج ماصارلها فترة طويله من ماتت بس ابويه حلف لو ازوجج هسه لو يتبرة مني فاضطريت اوافق وتزوجتج بس جانت صدمتي من شفتج يوم العرس جنت اتوقعج جبيرة او واعيه بس تفاجات من شفتج طفله فقررت ابتعد عنج ومن تكبرين انتي تقررين اذا تردين نتم زواجنه وترضين بيه او لا ليلى والدموع تنزل عله خدودها جنهن مطر : بس ليش مامه جانت مصرة انو تزوجني وراحت للشيخ حاكم واصلا مامه منين تعرف شيخ حاكم قيس : امج اجت للشيخ وحجت هيج لان جانت تدري بروحها مامطوله ليلى : يعني شنو قيس : امج جان عدها مرض خبيث وبدرجه متقدمه مااله علاج واذا تسالين عن معرفتها بشيخ حاكم ،، فخالتج الله يرحمها جانت زوجه الشيخ حاكم. و من تمرضت قبل موتها وصت الشيخ حاكم وكلتليه يدير باله عله اختها وبنتها يعني عليج اناي وامج ومن وقتها الشيخ حاكم داير باله عليكم وهو جان يساعد امج بهواي امور ليلى شهكت وبقت تبجي : مامه حبيبتي جنتي متمرضه وماتكوليلي تخافين انقهر. يمه حبيبتي جنتي تتوجعين وتضحكين بوجهي خاطر مااتكدر وانقهر شلون بيه يايمه يا ام كلب الطيب جنتي تووجعين وتضمين بگلبج حته باخر ايامج ماهمج شي غيري اخخخ يايمه ،،، بقت ليلى تبجي ومنهارة قيس : صدك تكطع كلبي عليها منظرها وهي تبجي وتحجي ويه امها يكطع الكلب حسيتها عبالك هسه ماتت امها هسه راحت منها جانت منهارة وتبجي رحت شبكتها وضميتها بص*ري مااتحمل دموعها هذني نقطه ضعفي ****** ليلى جنت منهارة وابجي حسيت عبالك هسه فقدت امي حسه جاي اكعدها وماتكعد ،،، عبالك هسه طلعت من الصدمه الجنت بيها. اني بايام الفاتحه كلها جنت مصدومه ومانزلن دموعي ووراها عشت اذيه مرت ابويه ووراها زواجي مالحكت حته ابجي. وانهار كل بجيي جان عله مخدتي وبسكوت ماجنت اسمح لروحي اطلع صوت بس هسه لا. عبالك طلعت من صدمتي وبديت انووح بصوت عالي وابجي لحد ما حسيت بشخص حضني ص*ر دافي انتجي عليه و افرغ كل همومي ووجعي وقهري و**رتي بقيت ابجي وابجي. ومااحس بس بي يمسح عله شعري ويهديني و يصبرني لمساته عله شعري وكلماته العاديه اللي يصبرني بيهن جانن مثل السحر اللي احتل گلبي وجسمي وماحسيت بروحي بعد قيس : حضنتها وبقيت امسح عله شعرها واصبرها. وشويه شويه حسيت ثكلت خفت عبالي انغمى عليها بعدين شفتها نامت ،،، صدك ضحكت شكد جنت مقهور وضايج بس من شفتها نامت من البجي ضحكت صدك عبالك طفله وماخذين ل**بتها بس شلون طفله. لعبت عله اوتار كلبي لعب اللي ماتعرفه ليلى انو اني. جان بدي سنه اعقد عليها وبعدين اطلكها وانطيها التريدة بيت او محل او شي اخلي مثل الذخر الها. وكلت اصرفلها راتب بس بعد ماتزوجنه بديت اتعلق بيها واحبه وبقيت ااخر بالشغله. لحد ما مر 5 سنين واني مااريد اعترفلها خاف تختار البعد وتعوف گلبي اللي تعلگ بيها شلتها ووديتها لغرفتها ،،، مددتها عله جربايتها وغطيتها وطلعت هسه اني سويت العليه بقت هي تقرر وتختار التريده ********** منسه بعد ماوصلني ليث للبيت ،، بقيت بحيرة وكلبي خايف شراح يصير. حته نوم ماكدرت انام من الخوف كضيت الليل كله بس افكر شراح يصير باجر الف سيناريو تخيلت بعقلي ساعه اكول راح يجي بلال ويفضحنه ساعه اكول راح ليث يفضح بلال ساعه اكول راح يجون ويتعاركون بقت تجيبني فكرة وتوديني فكرة لحد ما صارت صلاه الفجر كمت صليت وبجيت ودعيت الله يحل مشكلتي اني ما مئذيه احد ابد ليش المصايب توكع عليه صار الصبح ورحت للجامعه وبقيت كل ساعه اعاين اكول هسه يصير شي لحد ما خلص الدوام وماكو شي و وحته الشركه من رحتلها ليث ماكان موجود وبقت هاي الحاله يومين. لا شفت ليث ولا شفت بلال بعد يومين من المشكله شفت بلال من بعيد وجان وجهه فلم هندي عينه زرگه ومورمه وخدة احمر وايده ملفوفه بباندج واول ما شافني من بعيد عبالك شاف شبح كباله راسن بس صارت عينه عليه دار وجهه وكانما ما يشوفني وكام يمشي بسرعه وراح بقه الفضول ياكل بگلبي فرحت لرنا وسئلتها عله الصار منسه : مو تعتقدين نسيت الصار او سامحتج اني وانتي ماتجمعنه اي شي. بس عندي سؤال راح اسئلج وجاوبي شصار بموضوع بلال رنا : مااعرف بس البارحه بلال دزلي رساله وغلط بيها وفشر عليه وكال هاهيه مسح الصور وبعد مايريد يشوف خلقتي و حجه عليج هم كال مااريد اشوف وجهها ابد منسه رحت للشركه واني دايخه شسوة ليث حته هيج بلال كام يرجف ويخاف منه بس صدك گد كلمته ومن كال احلها صدك حلها وصلت للشركه واني جاي امشي طخيت ببنيه ووكعن الملفات البيدها كتلها منسه : اسفه ،، ماانتبهت ،،، رفعت راسي وشفتها هاي نفسها الاسمها شمس اللي اول ما داومت جانت تعاينلي بنظرات استعلاء وتكبر شمس : شمالج عميه اوووي شنو هاي الناس منسه : شنو هذا الكلام ،، طهيت بيج بالغلط واعتذرت منج وشلتلج الملفات الوكعن بعد عله شننو هذا التجاوز وعاينتلها بنظرة غضب وصعدت لمكتبي بديت اشتغل وكل فكري شلون اعرف شسوة ليث شويه وجان يجي ليث واول ما طب گال ليث : ........ يتبع ……… ★★★★★★

Free reading for new users

Scan code to download app

App Store Google Play

Facebookexpand_more