"Lola!" Nangingilid ang mga luha na tawag ni Rita sa Lola nito, tila isang taon niyang hindi nakita ito sa tindi ng higpit ng yakap sa matanda. Gusto niyang magsumbong ng sakit na nararamdaman ng mga sandali na iyon, pero hindi pa niya kayang sabihin rito ang bigat na pinagdaraan niya. At isa pa, hanggat maari sana ay ayaw na niya itong bigyan ng iisipin pa dahil matanda na rin ito para sa problema.
Mahigpit na gumanti ng yakap ang Lola ni Rita sa kanya. "Bata ka, bakit ba ganiyan ka kung makaiyak? May problema ka ba? O 'di naman kaya ay nahihirapan ka ba sa pagbubuntis mo?" Nag-aalala na tanong ng nito sa apo. Naninibago man ito sa kinilos na iyon ni Rita ay inisip na lang nito na marahil ay dala lang iyon ng pagbubuntis nito.
"Wala po, Lola, na miss ko lang po kayo ng sobra," humihikb
