Mabilis na tumayo si Arman sa kinauupuan, nang mapansin na nawala si Rita sa kumpol ng mga kaibigan ng pamangkin niya. Pinaikot niya ang paningin at hinagilap ang dalaga sa buong lugar. Nakangiti siya na lumakad patungo sa pica pica station na kinaroroonan ni Rita, malayo palang siya ay rinig na niya ang pambobola nito sa food server na nakatalaga roon. Gusto niyang bumalahaw ng tawa, hindi pa nga nito nauubos ang nasa plato nito kanina, ay may hawak na naman itong panibagong plato na may onion rings at bacon wrapped smokies, habang panay ang salita nito ay sige naman ang subo at nguya ng mga on stick foods na nasa harapan nito.
"Alam mo kuya, ang sarap n'yong magluto, ah, penge pa ako nito, ah," kumuha ng naka stick na pagkain si Rita at inilagay sa bibig. Pumikit pa ito habang ninanamna
