┈┈┈┈◦•✩•◦┈┈┈┈
Ilang katok sa pintuan ang nagpaangat ng mukha ni Remy. Nagmamadali niyang tinungo ang pintuan at binuksan niya agad ito. Si Leng ang ang bumungad sa kanya at hinila agad siya palabas.
"Nasa ibaba si Diego, puntahan mo na," ani ni Leng na ikinagulat ni Remy. Hindi niya alam na nakauwi na pala ang kanyang nobyo. Hinintay niya ang tawag ng kanyang nobyo kagabi at inabot na siya ng alas dos sa kakahintay ngunit walang tawag siyang natanggap. Kaya nagulat siya ng sinabi ni Leng na nandito na ang kanyang nobyo.
"Si Diego, nasa ibaba si Diego?" gulat nitong ani.
"Oo nga! May iba pa bang Diego bukod sa nobyo mo?" ani ni Leng. Nagmamadali namang tinakbo ni Remy ang hagdanan na halos mahulog pa ito makarating lang siya sa ibaba. Pero napahinto siya ng marinig niya na malakas na na
