┈┈┈┈◦•✩•◦┈┈┈┈
Matinding pagkagulat ang makikita sa mukha ni Diego ng makita niya kung sino ang utak ng pag-set up sa kanila ni Hera, hindi siya makapaniwala na ang babaeng ipinagtatangol kunwari si Remy ay siya pa lang utak ng lahat ng kaguluhang nangyari. Matinding galit agad ang rumehistro sa mukha ni Diego at agad itong napatayo mula sa kinauupuan nito.
"Hayop ka! Ikaw ang nag-set up sa amin ni Hera? Ikaw pala ang may kagagawan kung bakit kami nagkasira ni Remy. Kinaibigan mo ba ang kasintahan ko nuon para lang sirain kami? Papatayin kitang hayop ka!" Malakas na sigaw ni Diego. Nagmamadali nitong nilapitan ang dalaga na walang iba kung hindi si Wilma. Makikita sa mukha ng dalaga ang pagkabigla pero hindi ito makikitaan ng takot. Bagkus ay matinding galit ang nakikita nila na gumuguhit
