◄Diego's POV►
Hinarap ko ang mga gawain ko habang hinihintay ko ang pagbabalik nila Marcus. Kung alam ko lang na mamayang gabi pa namin pupuntahan ang tinutukoy nila, itinuloy ko na lang sana ang meeting ko kanina. Pero okay lang, hindi naman ganuon ka-importante ang meeting na 'yon.
"Dąmn it!" Malakas kong mura. Bakit ba hindi mawala sa isipan ko si Remy? Kailangan kong mag-focus sa ibang bagay, hindi ako dapat mag-pa-apektong muli sa mga alaala namin ni Remy.
Binitawan ko ang dokumentong hawak ko, sumandal ako sa swivel chair ko at ipinikit ko ang aking mga mata. Pakiramdam ko ay mababaliw na ako sa kaiisip ko sa mukha ng dati kong kasintahan. Pero kamusta na nga kaya siya ngayon? Sino kaya ang mga taong kasama niya ngayon? Base naman sa sulat niya ay nasa maayos siyang kalagayan. Gus
