Kumuha si Ursula ng pinakamagaling na abogado para kay Danilo. Hindi napatunayang si Danilo ang pumatay sa dating kinakasama. Napawalang-sala ito, pero walang lead ang pulisya kung sino ang brutal na pumatay sa lalaki.
Halos dalawang buwan na naging tahimik ang buhay ni Ursula. Nagiging gamay na rin niya ang pamamalakad sa mental hospital. Ginagabayan pa rin naman siya ng kaniyang lola. At masaya siya sa ginagawa. Bumalik na rin sa dati si Danilo. Magkasama na naman sila sa Hospital, kahit paminsan ay night shift ito.
Subalit, ang akala ni Ursula na tahimik na buhay na nakagawian ay magtuloy-tuloy na, pero nagkamali siya. Naratnan niya ang lola na nakakunot ang noo habang nakakuyom ang palad sa ibabaw ng lamesa nito sa loob mismo ng opisina nito. At isang lalaking puro puti na ang buhok,
