Kabanata 10
A L I S O N
Kung minamalas ka nga naman. Sa dami ng pwede kong maging customer ang Blake Faulkner pa talaga na iyon. Hindi ko alam kung may galit ba sa akin ang mundo at tila palagi na lang yata kaming pinagtatagpong dalawa. At tuwing magtatagpo kami, wala na talaga siyang ibang ginawa kundi ang bwisitin ako. Ano kayang makukuha niya sa pangbubwisit sa akin.
Kahit ilang beses kong ipamukha na ayaw ko sa kanya, hindi pa din talaga siya natitinag. Gusto pa niya akong pumasok sa unit niya, anong akala niya sa akin? Tatanga-tanga? Alam ko na ‘yang mga galawan niya na ‘yan. Hindi niya ako makukuha sa ganyan kahit anong gawin niya.
Siya ang huling customer ko sa gabing iyon, nag-out na din ako pagkatapos ko sa kanya. Paminsan-minsan akong suma-sideline sa restaurant ng kaibigan n
