Kabanata 100
A L I S O N
Napansin ni Blake ang bahagyang paglapit ko. Sinulyapan niya ako ng may pagtataka sa kanyang ekspresyon. Nagtataka siguro siya sa paglapit ko sa kanya. Hindi ako nag-iwas ng tingin sa kanya hanggang sa mabalin muli sa babaeng kasama niya ang atensyon niya. Mag-isa na lang ngayon ang babaeng kasama niya. Umalis na iyong mga kasama nito kanina, tinutukso pa sila ng mga ito bago tuluyang umalis. Naisip ko tuloy na baka may kung ano sa kanila ng babaeng ito kaya ganoon.
Wala pang minuto nang iwan sila ng mga kasama ng babae ay nakalingkis na agad ang kamay nito sa braso ni Blake. Tumikom ang mga labi ko at iniwas sandali doon ang tingin. Gustuhin ko mang huwag nang tumingin sa kanila ay hindi ko pa din mapigilan ang sarili ko. Kusang bumabalik ang tingin ko sa dalaw
