Kabanata 99
A L I S O N
"Oh, sorry. Hindi ko alam na may rule palang nagsasabi na hindi ko siya pwedeng tawagin sa pangalan niya." Nagkibit balikat si Nigel pero wala na din namang idinugtong.
Napairap ako nang muling magtama ang tingin namin ni Blake. Ano bang problema niya? Pati ba naman iyon ay may ibang ibig sabibin pa sa kanya? Ewan ko ba.
"Kumain na tayo," aniya.
Tutulong sana ako kay Nigel sa paghahain ng pagkain ngunit nang makita ko ang masamang titig ni Blake ay naupo na lamang ako. Isang bakanteng upuan ang pagitan ko mula sa kanya. Nakita ko ang iritasyon sa kanyang mukha nang tignan ang bakanting upuan sa tabi ko. Tila ba naiinis siya na may nakapagitan pang isang upuan sa aming dalawa. Anong gusto niya? Maupo ako sa tabi niya at umaktong parang normal lang ang lahat ng i
