ELYSIA’S POV
Parehas kaming natigilan ni Gaway nang marinig ang sigaw na bungad ni Minerva, ang pinsan ni Gaway na dati na ring nag-alaga sa mga bata at inimbitahan namin sa araw na ito. Sa kanya di umano iniwan ni Gaway ang mga bata bago ito umalis sakay ng nakahanda ng yate upang samahan ang pamilya ng kanyang nobyo na si Aldo para magpunta sa kalapit na isla.
“Ha? Anong pinagsasasabi mo Minerva? Baka naman naglalaro lang ang mga bata ng tagu-taguan. Hinanap mo na ba sa loob ng kwarto?” Napatayo kaagad si Gaway at lumapit kay Minerva maging ako ay nakalimutan ko na rin na kasama pa namin si Ma’am Beth.
“K-Kanina ko pa sila hinahanap. Ang akala ko ay kinuha mo na ang mga bata pero nang umuwi ka kanina doon na ako nagtaka kung bakit hindi mo sila kasama,” paliwanag ni Minerva.
“An
