Bilang kasapi ng The Pillars ay may sariling bahay si
Daddy rito sa Freglio at doon kami tumuloy mula sa headquarters.
Isang magarbong three story mansion ang tinutukoy kong bahay na may sariling security team na padala ng The Pillars upang pangalagaan hindi lang ang seguridad ng bahay kundi maging nung mga taong naninirahan dito. Limang katiwala ang nagsisilbing caretaker ng bahay habang wala si Daddy.
Kapag nandito ako sa Freglio ay bihira lang akong mag-stay rito at mas pinipili kong manuluyan sa hotel. Pakiramdam ko kasi kapag nandito ako ay parang nasa isang fortress ako na sakop ng imperyo ng The Pillars.
Pagkarating namin sa bahay ay tinuloy ko na ang pagtulog at nang muli akong magising ay malapit nang magtanghali. Mabilisang ligo ang ginawa ko bago bumaba sa dining area upan
