Shinoeh Weanne Cueva's P.O.V.
"Ilang araw ka nang nagtatrabaho rito?" umpisa ko sa aking mga tanong.
Tumingin siya sa mga daliri niya at bumilang. "Almost two weeks. Bago kasi ako pumasok dito ay nag part-time ako bilang janitor," he answered.
Napanguso ako. "Hindi ka naman ba nalilipasan ng gutom? Baka naman napapabayaan mo na ang sarili mo," nag-aalala kong sambit.
Pumiling siya at ngumiti. "No. Ayaw ko rin namang pabayaan ang sarili. E'di umiyak ka kapag nawala ako," biro niya.
Kinurot ko siya sa tagiliran. "Nakuha mo pang magbiro," sambit ko at napanguso.
Dinakma niya ang nguso ko kaya naman agad akong napaiwas.
"Bakit hindi mo na lang kasi gamitin iyong perang binibigay sa'yo ni Tita," tukoy ko.
Pumiling siya. "No. Gusto kong pag-sikapan ang pangarap ko. Ako ang gagastos para
