VIII.
Ilang araw ko nang hindi pinapansin si Kyle mula nung sinabi niyang nahuhulog daw ang wig ko kahit hindi naman, kahit sa totoo lang ay hindi ko naman talaga siya pinansin. Mas naging mailap lang ako sa kanya.
Alam niya. Alam niyang nagpapanggap lang ako, ano pa bang ibig sabihin no'n? Pinapaalam niya lang sa'kin na alam na niyang nagpapanggap lang ako, na wig lang ang suot ko at iniiba ko ang itsura ko.
Kaya kapag nagkakasalubong kami ay bigla akong nag-iiba ng daan o kaya ay kapag nasa room siya ay papasok lang ako kapag nandoon na talaga 'yung prof.
Tulad ngayon, ngayon lang dumating 'yung professor kaya ngayon lang ako papasok ng room. Binalingan ko agad ng tingin 'yung pwesto ni Kyle at agad akong nagpasalamat sa isip ko nang makita na wala siya do'n.
Umupo na ako sa seat k
