Chapter 46
ARAW nang sabado no’n katatapos lang mag-ensayo ang magnobyo sa likod ng kubo. Simula nang mabuntis si Remedios naging alalay na lamang ang pag-eensayo nito. Hindi na rin siya pinayagan ng binata at ama na sumama sa misyon ng grupo. Nakaupo sila sa nakatumbang gulong na nasa ilalim ng aratilis habang sa kanilang harapan ang isang petsil na tubig at gayat-gayat na papayang hinog.
“Nabanggit nga pala sa ’kin ni Allen, pinaiimbestigahan mo raw si Mr. Dela Peña?” tanong ni Remedios. Matapos isubo ang huling gayat ng papaya saka uminom ng tubig.
“Na-curious lang ako. Kung bakit kasama siya sa humahabol sa ’tin sa Alfonzo. Iniisip ko rin na baka magkapatid sila si Dinglasan. Kung taga-suporta lang siya nito, hindi ’yon mag-abala ng habulin tayo,” paliwanag ni Paulo sa nobya. Kahit
