MATAPOS tingnan ni Allen ang van. Nagpasya siyang bumalik sa lilim ng punong mangga. Pagdaan niya sa harapan ng sasakyan pasimple pa siyang sumilip at kunwaring inaayos ang buhok sa salamin ng bintana. Dahil sa kaniyang ginawa kitang-kita niya ang marahas na paggalaw ng lalaki sa loob. Bago pa man siya nito mahalata agad umalis ang binata.
“Tama nga ang hinala mo. May tao sa loob ng van,” pagbibigay alam ni Allen. Umupo siya sa tabi ng mga kasamahan saka kinausap niya ang mga ito na maging mapagmatyag at alerto. Inutusan n’ya rin ang isang kasama niya na bantayan maigi ang mga kasama ni Mrs. Leah.
Ilang sandali pa tumayo ang dalawang kasama nila at tinungo ang kinaroroonan ng kasama ni Mrs. Leah. Na nasa ilalim ng ring.
“Ano’ng plano natin, ngayon?” seryosong tanong ni Paulo kay Allen
