Chapter 53
“SIGE, iputok mo. Hindi ako natatakot sa ’yo!” maangas na sabi ni Allen kay Mr. Dela Peña. Sapagkat batid niyang wala ng bala ang baril na kinuha sa kanya. Kanina pa siya naubusan ng bala, kakargahan sana niya ’yon. Ngunit nakita niyang nakipagpalitan ng putok si Paulo sa lalaki kaya nawala sa isip. Sa halip nagtapang-tapangan siyang itutok ’yon sa kalaban. Katuwiran niya marami namang baril ang nagkalat.
Ngumisi na parang demonyo si Mr. Dela Peña. “Matapang ka ha? Hindi ka natatakot kay Kamatayan?”
“Hindi ako natatakot, Mr. Dela Peña. Dahil lahat tayo ay haharap sa kanya. Nagkataon lang na mauuna ka.” Mabilis binaklas ni Allen ang baril na nakatutok sa sentido. Sa isang iglap lang nakawala siya sa lalaki.
Mabilis kinalabit ni Mr. Dela Peña ang gatilyo ng baril. Ngunit h
