Chapter 52 Laban
NANG maramdaman ni Paulo ang paglapit sa kanya ng lalaki. Nagbilang siya hanggang tatlo, saka bahagyang inihakbang ang mga paa upang salubungin ang kalaban. Isinuksok niya ang baril na hawak sa baywang. Hanggat maari ayaw niyang pumatay.
“Sino ka?” malakas ang boses ng lalaki na tanong kay Paulo.
Dahan-dahan at tila nag-slow motion ang pagharap ni Paulo sa lalaki. Kitang-kita pa niya ang gulat sa mukha ng kalaban nang tanggalin niya ang hood ng jacket sa kanyang ulo.
“Ako ang inutusan ni Kamatayan upang sunduin ka. Ang iyong sugo,” kalmado niyang pahayag. Mabilis pinag-aralan ang katauhan ng kalaban. Sa taas pareho lang sila, at sa katawan walang binabat ang kalaban niya dahil mukhang napabayaan ito sa kape, malaki kasi ang tiyan.
Kahit medyo may kadiliman sa kan
