Kanina pa nagkakasiyahan ang mga kuya ko sa arcade pero nanonood lang ako. Si Kuya Drake ay nakahanap pa ng kaklase niya na naglalaro doob kaya't lalo itong mapahaba ng laro. Umupo ako sa isang bakanteng silya na malapit sa counter pagkatapos kong ipalit sa stuff toy ang naipon naming tickets.
"Hey..." Umupo sa tabi ko si Kuya Duncan. "Hindi ka pa rin ba masaya?"
"H-hindi ko alam..." Iniiwas ko ang tingin dahil hindi ko gusto ng diskusyon. Ayaw kong pag-usapan ang nabalitaan nilang pagtatalo namin ni Ziya kagabi. Naikwento kasi ni Kuya Drake kung paano ko nasigawan ang kakambal ko.
"Alam ko kung ano ang nararamdaman mo... You are jealous of Ziya... Kaya ka namin sinamahan dito para malaman mo na hindi ka nag-iisa. Pero hindi nangangahulugan na ikaw ang kinakampihan namin. Sa s
