Ni sa panaginip ay hindi sumagi sa akin na isang araw ay mamimili ako ng mamahaling damit, sapatos at mga alahas. Wala akong magawa nang pilitin akong mamili ng kung ano-ano. Natatawa na lang si Daddy at sinabing pagbigyan ko na lang si Mommy. Pagdating namin sa bahay ay naroon ang mga kuya ko para magkakasalo kaming lahat sa hapunan. Tulad ng dati, si Adriana lang ang tahimik kapag tungkol sa akin na ang pinag-uusapan.
Sa gabi ay sa kwarto ko ulit natulog si Mommy. Wala itong ginawa kung hindi magtanong sa naging buhay ko kasama si Mama Bea. Bakas pa rin sa tinig nito ang galit. Kahit ang pakiusap ko na dalawin at makausap si Papa Norman ay hindi nila pinagbigyan ni Daddy. Tama na raw ang ilang taon na nilinlang nila ako. Wala raw akong dapat na tanawin na utang na loob.
Binilh
