Maaga akong nakarating sa Batangas kinabukasan kasama ang nurse na si Betty. Mananatili ako doon ng isang linggo ayon kay Dad dahil kailangan kong masiguro na maayos ang kalagayan ni Lola. Ilang araw na daw itong bumababa ang oxygen level pero ayaw namang magpadala sa ospital. Ayaw rin nitong sa mansyon ng mga Albano mamalagi dahil gusto nito ang sariwang hangin.
May nag-aalaga naman dito noon pa. Ang pamilya ni Leandro ang naroon at naatasang makasama ni Lola. Pero ngayon ay kailangan na nito ng atensyong medical dahil sa dumadaming nararamdaman nito sa katawan.
Malaki ang bahay namin sa Batangas. Nadugtungan din ang lupa ni Lola dahil nabili ni Dad ang karugtong na lupain para gawing maliit na farm. Libangan kasi ni Lola ang magtanim ng maraming gulay saka ilalako sa palengke. Ayaw n
