PARANG ginigisa sa mantika si Kristina nang gabing iyon. Ang gabing iyon ang pinakamalala. Aabutin marahil siya hanggang madaling araw sa kakaisip sa nangyari. Nais niyang panatilihing sariwa sa kanyang pakiramdam ang nangyari ng gabing iyon. Tila paulit ulit niyang naririnig ang ibinulong sa kanya ni Tony. “I love you.”
Ilang beses niya na iyong nabasa sa mga sulat na natanggap niya kung kani-kanino. Ilang beses niya na rin itong narinig sa iba. Ngunit nang marinig niya na ito nang minsan kay Tony ay naghatid iyon ng damdaming tila sukdulan. Nakakabaliw ang damdaming iyon!
Ganoon din ang pakiramdam ni Tony. Hindi na niya namalayan ang paglipas ng oras sa kakaisip kay Kristina. Tutuparin niya ang pangako niya kay Kristina. Maghihintay siya hanggang sa maaari nang suklian nito ang kanyan
