Hindi mapakali si Kristina sa kanyang kwarto. Pabalik balik siya sa paglalakad habang kinakamot nang walang humpay ang ulo. Naiinis siya sa kanyang sarili. Naiinis siya kung bakit ginantihan niya ang ngiti sa kanya ng lalaking hindi pa naman niya kilala.
Paano kung ano na ang isipin ng lalaking ‘yon? Pero ano naman ang mali sa nginitian mo iyong tao? Wala naman sigurong masama! Pero paano kung inisip niyang may gusto ka sa kanya?
Mababaliw na yata siya, kinakausap na niya ang kanyang sarili. Bakit ba kasi big deal sa kanya ang pagganti ng ngiti? Hindi niya na ito papansinin ulit. Final decision niya na ito.
Habang nakahiga sa kama at nakatitig sa kisame ng kanyang kwarto, abot hanggang tainga ang ngiti ni Tony. Parang sirang plakang paulit ulit na bumabalik sa kanyang utak ang pagngi
