"Kumusta na ho kayo, Mang Arthur?" pormal na wika ni Tony nang muli silang magkaharap ng ama ng kanyang kasintahan nang si Kristina.
"Heto, inutil na!" pabirong tugon ni Mang Arthur. Nakangiti man si Mang Arthur ay nadama ni Tony ang lungkot nito.
"Huwag ninyong sabihin iyan mang Arthur," yumuko ito. Sana po hindi ako umalis, natulungan ko sana kayo."
"Ay, ikaw talagang bata ka! Okay lang! Kasalanan ko naman kasi nagpabaya ako sa sarili ko. Ang anak ko tuloy ang nahihirapan ngayon."
"'Tay, hindi naman po ako nahihirapan, eh! Kaya ko naman po. Alam n'yo namang gagawin ko ang lahat para sa inyo, eh," wika ni Kristina na naroroon din. Katabi nito ang ama.
May iniabot si Tony sa mag-ama. Isa iyong check.
"Ano 'to?" Kahit alam na kung ano iyon, ay nagtanong pa rin si Mang Arthur.
"Tulon
