تائهة ف صحراء الذئاب

الفصل العشرين

ف قصر الشيخ دياب الذي اعلن صوت السيارات قدوم عائله بغدادي ل يبدء هو ف استقبالهم ومن بعده حنيفه

دياب : اهلا بيك يا شيخ بغدادي نورتنا

بغدادي : يا مرحب بيك انت ياشيخ دياب .. انت عارف اني مش بطلع علشان حد بس طلعت علشان اجيلك

دياب : تنور ياشيخ

حنيفه : اتفضلو .. دا القصر نور بوجودكو

بغدادي : ازيك يا حنيفه يابنتي ..

حنيفه : بخير يا شيخنا .. نحمد الله .. ليدخل الجميع للمضيفه .. و حنيفه التي يبدوا عليها السعاده ف استقبالها لعائله بغدادي فهي من تلك القبيله ايضا والبغدادي يبقا عمها ..

قاسم : كيفيك يا عمه

حنيفه : كيفك انت يا قاسم

قاسم : نحمد الله يا عمه

دياب : انتو اكيد هتتغدوا معانا انهارده يا شيخ ودي مافيهاش كلام

بغدادي : بس نتفق الاول ياشيخ وبعدين نشوف الغدا

حنيفه : ربنا ما يجيب اختلاف يا شيخنا .. اكيد هنتفق

بغدادي : ما دا العشم بردو يابنتي

بغدادي : انت عارف يا دياب ان عائله بغدادي ليها طار عندكو وليها حق من زمان

دياب : ايوة يا شيخ

بغدادي : استني يابني واسمع للاخر

دياب : اتفضل

بغدادي : انت عارف ان ابني كان مفروض يتجوز ام عروستك .. بس عمك اتجوزها وهرب بيها علي بلاد برا .. ومن بعديها وراح فيها ابوك و راح فيها ابن الشيخ محمد .. وقفلنا علي الطار وقتها لحد ما الزمن يحلها من عنده

دياب : ايوة

بغدادي : دلوقت انت خد حقك واتحوزت بنت عمك .. والشيخ محمد اخد حقه واخد بنت من عندكو .. بس احنا لسه ما اخدناش حقنا

دياب : وانا تحت امركو يا شيخ بغدادي

بغدادي : احنا عاوزين حقنا يا شيخ دياب .. للنسب .. للارض .. الشيخ محمد وافق انه يديني ارض .. واحنا لينا عندكو ارض او نسب .. انت عارف ان دا الي يطفي نار الطار بينا

دياب : انت بتتكلم عن انهو ارض يا شيخ

بغدادي : الارض الي ملك مراتك واخوها .. والي هتبقي ملكك

دياب : بس دي ارض عائلتنا .. وانت عارف اننا مش بنفرد ف ارض

بغدادي : يبقا احنا نتشرف بنسبك ..

حنيفه : واحنا الشرق لينا يا شيخنا

دياب : طيب يا شيخ بغدادي .. اكيد ف حل يرضي الجميع

بغدادي : ما انا قولتلك الحل الي عندي .. ولا احنا نسبنا وحش يا بن الديب

دياب : لا سمح الله يا شيخ بس انا لسه متجوز وانت عارف

بغدادي : وايه المانع .. ما احنا كلنا بنتجوز مره واتنين وتلاته .. ودا حقك

حنيفه : و احنا موافقين يا شيخ

دياب : سلطانه لو سمحتي .. دا كلام بين الرجاله

حنيفه : ب صدمه .. ماشي يا شيخ دياب امرك

بغدادي : يبقا مافيش داعي ل وجودنا هنا يا شيخ دياب .. معاك تلت ايام ترد علينا بالي انت شايفه مناسب ليك

حنيفه : و الغدا يا شيخنا .. ما يصحش تمشوا من غير ما نتغدي

بغدادي : لاء ما فيش داعي .. نبقي نتغدي بعد ما نتفق يا بنت اخوي .. ليسير هو وعائلته وتعلن حنيفه الحرب علي دياب وفرح

حنيفه : بصوت هادر .. انتي يا بنت محمود

دياب : اهدي يا جدتي ما ينفعش كدا

حنيفه : والله وعلي اخر الزمن انت يابن ابن الي هتقولي الي ينفع ولا ما ينفعش .. انتي ياجلابه المصايب ..

فرح : ف ايه

حنيفه : اسمها نعم يا ستنا .. ولا انتي امك قليله الربايه ما كنتش فاضيه تعلمك ازاي تعملي الكبير

فرح : انا مش هرد علي حضرتك احتراما لجوزي .. بس غير كدا انا كنت رديت

دياب : خلاص يا جدتي لو سمحتي .. وانتي اطلعي يافرح

حنيفه : لاء ما خلصش يا شيخ .. انت عاوز تضحي بسمعه قبيلتك وسمعتك وترجع الطار تاني علشان مرا ناقصه زي دي

دياب : جدتي انا لحد دلوقت مقدر انك منفعله بس ياريت تحاسبي علي كلامك علشان دي مراتي والي يغلط فيها يبقا بيغلط فيا .. وانا ما نحلقش لسه الي يغلط فيا

حنيفه : بقا كدا يا بن ابني .. بقا كدا يا اول فرحتي .. انا الي عشت عمري كله بحافظ علي اسمك واسم ابوك يبقا دا رد الجميل

دياب : انا عمري ما **رت ليكي كلمه يا جدتي بس دي مش طريقه

حنيفه : وايه الطريقه ان نص اراضينا تروح لعائله بغدادي

دياب : انا ما قولتش كدا .. والارض انا مش هفرد فيها هي الي بياكل منها قبيله بحالها ومن غيرها الناس هتجوع وانا مش عيل وعارف مسؤليتي كويس

حنيفه : يبقا مافيش غير النسب

فرح : يعني ايه نسب

حنيفه : يعني يتجوز عليكي مرا .. بس تبقي مرا بحق تعرف تشيل امه وتجيب ليه حته عيل يفرح قلبه .. ادام انتي مش عارفه تبقي مرا لراجلك .

فرح : هو حضرتك ليه بتعملي كدا .. يعني عماله تتحكمي ف الناس وترسمي حياتهم علي مزاجك مين سمح ليكي اصلا بدا

حنيفه : وهي ترفع يدها حتي تصفعها .. انتي بنت قليله الحيا .. ليمسك يدها دياب .. قبل صفعها لفرح

دياب : اطلعي فوق يافرح

فرح : مش طالعه .. ومش قاعده ف البيت دا .. انا راحه لجدي

دياب : قولتلك اطلعي فوق يافرح

فرح : وانا قولت مش طالعه وهمشي من هنا

حنيفه : هي دي بقا الي مش عاوز تتجوز عليها .. ولا عارفه تبقي زوجه ليك ولا اتعلمت تطيع جوزها .. تستاهل دي ان الطار يرجع. .. بس اقول ايه محراك شر زي امها ..

دياب : وهو يمسك يدها ليجعلها تسير مرغمه تحت صراخها ليخرج الجميع من غرفهم .. امشي قدامي افرح وكفايه لحد كدا

فرح : مش همشي

دياب : بقا كدا .. لينفذ صبره معها .. ويحملها غصب عنها مقيد يدها وراء ظهرها ويسير بها للاعلي .. ويدخلها الغرفه ويقفل عليها الباب فيجعلها حبيسه غرفتها والجميع يسمع صوتها وبكاءها

دياب : لو حد قرب من الباب دا او فتح الباب ليها انا هخلي حياته جحيم .. انتو سامعين

هند : بس يابني

دياب : امي لو سمحتي .. ليتركهم ويخرج هو وفهد الذي يبكي بعد ان حمله هو الاخر ويتجه به الا جده محمد .. فرغم ما يحدث الا انه طفل ولا ذنب عليه حتي يري هذا

فهد : انت هتعمل ايه ف فرح .. هتحبسها وتسيبها من غير اكل وشرب

دياب : انا هاخدك ونروح نجيب ليها حاجه حلوة بس ماتقولش لحد .. واول ما نجي هطلعها ونديها الحاجه الحلوة علشان تسامحني .. لانها دلوقت عاوزه تمشي وتسيبني وانا مش عاوزها تسيبني

فهد : بس لو هي عاوزه تمشي كنت خليها تمشي علشان مش تقعد تعيط كدا .. او كانت جت معانا

دياب : ما هو وقتها ما كنتش هتبقي مفاجأه .. وبعدين فرح عماله تزعق زي مانت شايف .. وانا مش عاوز ازعلها

فهد : فرح بتحبك ومش بتحب تزعلك بردو

دياب : وانت مين قالك كدا

فهد : هي قالتلي .. وقالتلي انك مش زي الوحوش الشريره الي برا وانها مش بتحب تزعلك وانها بتحبك بس الشريره تبقي جدتك ام عيون سمرا زي الصقر دي

دياب : ب ضحكه .. طيب اركب العربيه يلا علشان نروح نجيب الهديه ونجي علطول

فهد : حاضر

............... ................. ...............................

عند الحج محمود الذي يسير ف اتجاه الجامع ومعه ياسر الذي يريد الهروب باي طريقه ولكن لا يعلم ماذا يفعل

الحج : مالك يابني

ياسر : بدموع .. انا اسف .. بس مش هينفع ادخل الجامع

الحج : ليه يابني

ياسر : انا عمري ما دخلت الجامع .. وعمري ما صليت كمان .. انا شيطان يا حج انت ماتعرفنيش

الحج : بابتسامه .. وهو يرتب علي كتفه .. هون عليك يابني انت مش شيطان انت بني ادم وكل بني ادم خطاء .. وبعدين انت جالك فرصه تدخل بيت ربنا وربنا دعاك لبيته هترفض. دعوته

ياسر : انا ماستحقش ابقا هنا

الحج : ما حدش فينا يستحق .. ربنا برحمته هو الي ساترنا .. ما حدش فينا كامل ولا خالي من الذنوب بس كنا مستورين .. وانت ربنا رايد ليك الخير .. وفاتح ليك بابه هتسيبه وتمشي

ياسر : بدموع .. لاء

الحج : يبقا يلا بينا نصلي وندعي .. وبعدين الحسنات تغطي وتمسح السيئات يعني لو عملت سيئات زي الجبال الي حواليك دي وتوبت توبه نصوحه وعملت خير لله كل الجبال دي اتمسحت وبعدين انت شكلك ربنا بيحبك وابن حلال واكيد وقعت ف طريقنا لسبب لا يعلمه الا الله .. فيلا يا بني خلينا نلبي نداء ربنا وهتشوف بعديها حياتك هتتغير ازاي

ياسر : حاضر .. ليذهب للصلاه وهو لا يعلم كيفيه الصلاه ولكن ذهب بقلب خاشع ونفس نادمه علي ما مضي من عمره .. ليبكي بخشوع ف صلاته ويبدوا ان حياته سوف تتغيرع مثلما قال له هذا الشيخ الطيب