HINDI NA SI JAXON INUSISA PA NG MGA MAGULANG KINABUKASAN. Ang alam ng mga ito ay inihatid niya pauwi ang babaeng si Samantha. Ang dapat sana ay bonding niya kasama ang pamilya ay nauwi lang sa pag-ahon ng sama ng loob niya dahil kay Peyton. Maraming bagay ang gumugulo sa isip niya ngunit ang pagdating ng mga Williams ang mas nangingibabaw na dapat niyang unahin.
Pagkatapos kumain ng agahan ay nagpaalam na siya sa mga magulang. Hustong pagpasok niya ng sasakyan ay siya ring pagpasok ni Dylan. Nilingon niya ito. Maluwang na nakangiti sa kanya na ikinakunot-noo niya.
“What is that smile suppose to mean?” tanong niya habang ini-start ang sasakyan.
“Did you have a great time last night?” tila pang-aalaska nito.
“Great time? For what?” takang tanong niya.
“Kasama mo si Samantha kagabi hindi
