Napapitlag ako mula sa pagkakatulog nang makarinig nang malakas na ingay. Galing iyon sa cellphone kung saan ay alam kong may tumatawag. Wala sa sarili nang kapain ko ang gilid ko, hinahanap ang cellphone.
Nang mahawakan ay pikit-mata ko pang sinagot kung sino man ang nasa kabilang linya. Paniguradong isa na naman ito sa kumpanya na in-apply-an ko. Tumihaya ako ng higa, kapagkuwan ay nilagay ang cellphone sa isang tainga.
"He—"
"Paul Shin!" Hindi ko na natuloy ang pagbuka ng labi ko nang marinig ang sigaw na iyon, halos mailayo ko pa ang cellphone. "Kanina pa ako nandito kumakatok sa labas ng unit mo! Open the god damn door!"
Napamulagat ako, saka ko lang napansing hindi ko cellphone ang hawak ko. Kay Paul Shin ito at iyong tumatawag ay walang iba kung 'di si Tita Carmina! Kamuntikan n
