Kaya siguro hindi ako nasundo kanina ni Paul Shin dahil may ganap na pala rito. Kaya pala hindi ko siya maramdaman ay dahil abala siya rito. Napahinga ako nang malalim.
Nagugulat man sa mga nangyayari ay ngumiti pa rin ako at tuluyang lumapit sa kanila. Nakipagbeso ako kay Raquel nang umamba siya sa akin. Saglit kaming nagkatinginan ni Paul Shin.
Umabot hanggang tainga ko ang ngiti ko para sa kaniya. Mabilis naman kaming nagkahiwalay ni Raquel. Umikot ako sa kabila nang matantong kinuha ni Raquel ang palagi kong pwesto katabi ni Paul Shin.
Sa gilid ni Tita Carmina ako naupo. Kaya kitang-kita ko nang maayos ang nagagalak na mukha ni Raquel. Siya ang katapat ko. Samantala ay mataman namang nakatitig sa gawi ko si Paul Shin, animo'y tinitimbang pa muna ang mga emosyon ko.
Ayoko na siyang
