‘Kita tayo mamaya? Maaga akong makakapag-out sa trabaho.’
Iyan ang huling text ni Jake na kaagad ko namang sinagot ng oo. Maaga natapos ang klase, hindi na rin ako pumasok sa OJT ko. Alam iyon ni Paul Shin kaya hindi na ako nagulat nang makita ito sa labas ng school at naghihintay.
Nasa loob siya ng van at dahil nakabukas ang pinto roon ay nakita ko rin si Raquel na nasa tabi niya. Kumaway pa ito sa akin nang matanaw ako sa malayo. Ilang sandali lang nang tuluyan akong makalapit sa kanila.
Mas lalo kong nasilayan ang malaking pagkakangiti ni Raquel, halos lumabas na ang gilagid nito. Ang isa pa niyang kamay ay nakapulupot sa braso ni Paul Shin. Kulang na lang yata ay magpakarga siya rito, kaya natawa ako sa loob-loob ko.
Ngumiti ako kay Raquel. Hindi na bale kung masabihang plastic. Ka
