Kinabukasan nang magising ako, namalayan ko na lang na naroon na ako nakahiga sa kama kung saan pa ay katabi ko si Paul Shin. Halos manlaki ang mga mata ko. Lalo pa nang matantong yakap-yakap niya ako.
Ang isang kamay niya ay nakadagan sa bandang tiyan ko. Samantalang ang paa naman niya ay nakadantay sa mga hita ko. Nagmistulang ikinukulong niya ako. Kamuntikan ko pa siyang itulak sa kagustuhan kong kumawala.
Ngunit mabilis ding natigil nang maramdaman ang payapa niyang paghinga sa leeg ko. Para akong tuod na hindi na nakagalaw. Tipong natatakot na kapag ginawa ko iyon ay magigising siya.
Unti-unti ay dinungaw ko ito sa balikat ko. Hirap man sa posisyon naming iyon ay nakita ko ang mahimbing niyang pagkakatulog. Maaliwalas ang mukha at para bang sarap na sarap na kayakap niya ako.
Napa
