At least, may time sila para sa isa't-isa. Walang Vanessa na istorbo— o naiinggit.
Siguro nga ay inggit lang itong nararamdaman ko. Naiinggit ako sa katotohanang mahahati ang oras ni Paul Shin sa aming dalawa ni Raquel. At the same time, mawawalan na rin ng oras si Raquel sa akin.
Huminga ako nang malalim. Ipinilig ko ang ulo at nagkibit na lamang ng balikat. Awtomatiko naman ding sumilay ang ngiti ko nang makapasok ako sa bahay nina Leo. Sa sala ay naabutan ko silang lahat do'n.
"Hello, motherfvckers!" bungad ko, saka pa patakbong nilapitan sila.
Bumakas ang tuwa sa kanilang mga mukha. Saglit pa muna nilang itinigil ang paglalaro ng XBOX para ibigay sa akin ang buong atensyon— ito iyong bagay na kinasanayan kong siya ring ipinagdadamot ko sa iba.
Para na nila akong nakababatang kapat
