There! Nasabi ko rin sa wakas!
Kapag tinamaan ka nga naman ng lintik na alak ay lumalakas ang loob. Pero mas okay na iyon kaysa kimkimin ko pa nang matagal sa puso ko. Maganda nang nailabas ko, kahit papaano ay gumaan ang pakiramdam ko.
Ang kailangan ko na nga lang isipin sa ngayon ay kung paano ko pakikisamahan si Paul Shin pagkatapos ng nangyari. Mananatili bang intact ang pinagsamahan namin? O may mababago ba?
Kahit sa sarili ko ay hindi ko alam ang maaaring sagot. Kasi hindi ko rin naintindihan iyong sinasabi niyang pareho kaming magiging masaya pagkatapos— ng alin? Hindi niya nilinaw sa akin kung gusto nga rin ba niya ako.
Nasapo ko ang ulo ko nang manuot ang sakit doon. Pakiramdam ko ay sobrang dami ng nangyari kagabi, pinagsamang puyat at pagod ang nararamdaman ko ngayong nagisi
