May isang linggo na ring nakalipas noong dumalaw ako sa bahay nila Caleb dahil inaapoy ng lagnat ang Papa niya. Hindi naman ako nagpalipas ng gabi roon dahil hinatid din ako ni Caleb kinagabihan. Inaya ako ng Mama at Papa niya na maghapunan muna bago kami umuwi. Kaming apat lang ang nagsalo-salo dahil may night class si Casie, ang nag-iisang kapatid ni Caleb.
Ewan ko ba pero ramdam kong mahihirapan akong kunin ang loob ni Casie. Unang pagkikita pa lang namin, hindi na ako nito kinibo, ni pagbati man lang ay wala siyang sinabi. Ipinagsawalang bahala ko na lang muna ‘yon. Hindi naman lahat ay magkakasundo agad sa unang pagkikita. Sana next time, magiging close ko na rin ang kapatid niya gaya ng Mama nila. Ang dali kong nakagaanan ng loob ang Ina nila. Wala akong masabi sa kabaitan ni Tita A
