Huminga nang malalim si Julia habang naka-tulala sa labas ng bintana. Malakas ang buhos ng ulan na tila ba nakikisabay sa dalamhating nararamdaman niya ang mga ulap. Hindi espesyal sa kanya ang araw na ito, kahit ito pa ang araw ng kanyang ika-labing siyam na kaarawan.Sa kaniyang pananaw, walang dapat ika-siya o bigyang pugay ngayon. Dahil kasabay ng ika-sampung kaarawan niya noon ay ang biglaang pagka-matay ng kanilang amang si Eleonor. Kung may dapat mang maalala sa araw na ito, iyon ay ang mga alaala nito at hindi ang kaarawan niya.
Nagpapasalamat din siya sa malakas na ulan, dahil dito'y hindi natuloy ang malaking salo-salong pinaplano ni Don Lucio para sa kanya. Ikinalulugod niya ang kabutihang loob ng matanda sa kanya, ngunit hindi ganoon kagaan ang loob niya dito. Alam niyang may p
