"Sampung milyon? Saan naman tayo kukuha ng ganong kalaking halaga?" nababahalang tanong ni Ella matapos marinig ang pag-uusap nila Conrad at Garry sa telepono.
"Ako na ang bahala." kumpiyansang sagot ng binata. "Ang mabuti pa maiwan ka na lang muna dito." payo niya dito.
"Ayoko." pagmamatigas ng dalagita. "Sasama ako at ililigtas ko ang Ate ko!"
Napasipat na lang siya ng ulo at muling nagpatalo sa usapan. "Fine, fine! Sakay na." utos niya.
Matapos matanggap ang mensahe ukol sa inpormasyong magtuturo sa kanila sa kinaroroonan ni Garry at Julia, binilisan niya ang takbo ng sasakyan upang takhakin ang kalsada patungong Cavite. Hindi siya pamilyar sa lugar na ibinigay sa kanya kaya't laking pasalamat niyang may GPS ang kotse.
"Bacoor Cavite? Warehouse? Gosh! Kuya paano kung patibong lang
